بعد حلاي الاول اللي كان اسمه يالليل ماطولك ,,,,,, هذا رابطه
http://forum.hawaaworld.com/showthread.php?t=1621785
جيتكم بحلى جديد,,,,,,* بسرعة بسرعة* ((بالهندي جلدي جلدي )) خخخخخخخخخخ ميب عاقلة ذا الهنديه ..
هو فعلا سريع وسهل وشكله مرررره حلو
بنزلكم الصورة اول عشان تتحمسون لشكله وتسونه واللي تسويه يابنات اتمنى اتمنى اتمنى تقول وش رايها ,,,عشان تحمسون الواحد انه يمخمخ في التاليف والابداع
ترى هالحلى جايبته من بعض بنات افكاري ( خخخخخ حلوه بنات افكاري قويييه اعجبتناني) ياكثر بربرتي
المهم بسدح لكم الصورة اولا ....
نخششش على المقادير :
17 حبة كبك كيك لوزين الجاهزبالفانيلا
4بسكويت شوكو ساندويش الاحمر( اولكر ) مجروش صغير باليدين
ملعقة صغيرة قرفة مطحونة
علبة حليب محلى مركز كبيرة
6حبات جبن كيري
عين الجمل مجروش للتزيين
صوص شوكلاته هيرشي
صوص توفي سوي اللي انتي متعودة عليه ويضبط معك
تفرغين الكيك من الوسط بالملعقة الصغيرة مثل الصورة
لاترمين الكيك ممكن تسوين فيه حلى ثاني انا الفت حلى ثاني طلع طعمه يجنن وبنزله لكم في موضوع ثاني ان شاء الله
بعدين تجيبين البسكوت الاحمر اللي جرشتيه وتحطين معه ربع علبة الحليب المحلى ونص ملعقة من القرفة وتخلطينهم وتحشين فيهم الكيك ,,,,
بعدين تحطين الكيري مع الباقي من الحليب المحلى مع نص ملعقة قرفة في الخلاط( انا نسيت احط القرفه مع الجبن في الخلاط ورشيتها فوقه بعدين,, والقرفة انتي لك الخيار في الكمية اللي تبين وتحبين )
بعدين وزعي الخليط على الكيك ودخليه الفرن من فوق شوي عشان يمسك ,,,,
ولما اطلعيينه من الفرن خليه دقايق يبرد,,, و روحي سوي التوفي اللي يضبط معك واذا شلتيه من على النار اخلطي معه عين الجمل المجروش و وزعي التوفي على الكيك بشكل خطوط وصبي عليه صوص شوكلاته هيرشي .....
ثم تلذذي وتسدحي مع الطعم اللذييييذ
الله الله بالردود السنعة لاتسفهوني ( لا للسفهه):D
