تسريحتي القديمة عمرها 12 سنة تحولت تحفة بحول الله ومعونته

مساء الخير رجعت لكم بعمل آخر من اعمالي اتمنى انه يعجبكم

طبعا الفضل لله اولا واخيرا ثم لهذا المنتدى الرائع والجميل الي استفدت منه كثير كثير

ثم افكاري ومجهوداتي المتواضعه

مالكم بالطويلة
تسريحتي شريتها قبل 12 سنه جلست6 سنوات تسريحه خاصه لي و4 سنوات تسريحه خاصه لبناتي و1سنه رف لشتلات الزرع في البلكونه و1سنة تحفة رائعه في الحمام اكرمكم الله ,,,,قصة حياتها الله يطول بعمرها

ادري اني هذره بس تحملوني من فرحتي فيها:)

تراني صورت جميع الخطوات على جوالي لان ما عندي كاميرا:44:

وما قصر ولدي الله يحفظه غمس الجوال في اللبن على باله خبز
وراحت جميع الخطوات في شربة لبن الله يقوي الصبر :icon33:

طبعا شريت تجليد الكتب اللاصق وجلدت الدولاب كله

ولانه خشب وخفت يخرب من تحت ويعفن مع الموية خليت ابو الشباب الله يحفظه:arb:يركب له كفر متحرك (يعني عجلات)فيه ناس ما تعرف لهجتنا ادري:42:

ولزيادة عمره شريت بلاستيك مقوى زي الي يركبونه على مقاعد السيارات لحفظها من الماء والوسخ وغلفت الدولاب به وغريته بالمسدس والله ما ادري عرفتموه والا لا


وركبنا داخله رفوف لان ما كان فيها شئ تعرفون التصميم الوطني القديم
واستخدمتها للمناشف وركبت ستارة صغيرة للديكور

والصور توضح لكم

واذا عجبكم ولقيت تفاعل نزلت صور الحمام كامل وانتم بكرامة

دعواتكم لي بالصلاح والفوز في الدنيا والاخرة