تسمحين لزوجك يتكلم مع موظفات المحل

عادي انا وياه نتكلم..
اذا قصدك من ناحية الغيره فما اغار ولا افكر..
لكن عموما اذا الشي يخصني انا اتكلم لاني انا ادرى بمقاسي واللي احتاج منه وممكن لو شفته ماسك زمام الموضوع الفت الموظفه واطلبها واتناقش معاها، لانه مو حلو اسلوب التهميش خصوصا في شي شخصي لي، ولو شفته متجاهلني انبهه على هالشي بهدوء واقوله اللي زاعجني..


لكن مستشفيات او اي مكان ثاني ماادقق اذا تكلم وعادي اخليه يتكلم حتى لو كانت المسؤوله حرمه وماعندي مشكله..


بالعموم زوجي يشتغل في مكان مختلط وكلامه مع الحريم يومي فماتفرق معاي ومكبره راسي ولا ادقق في هالمواضيع..

عادي ماعندي اي اشكاليه في الموضوع
الحوار راح يكون عادي مارح يتغزلو في بعض،،
المستشفى لو انا اللي كلمت الموظف/ه بديها رقمي،،واذا زوجي كلمهم اذا خاص فيا لوحدي بيديهم رقمي اما اذا لبناته اكيد بيديهم رقمه ،
حتى المدارس باكتب رقم زوجي وتتصل عليه المعلمه ي تسأله ليه بنتك غائيبه او تعال خدها،
ورقم الاداريه عند زوجي لو حاب يستاذن لوحده من بناتي بيتصل عليها ،ويكون عندها خبر من بنتي من الصباح،،

عادي هو لي يتكلم

عادي ماعندي اي مشكلة سواء كلمها او انا كلمتها
بس زوجي اذا كنت معاه وشاف موظفه يخليني انا اتكلم حتى لو الشي خاص فيه وفي المستشفى نفس الشي
والعكس لو كان موظف انا ما اتكلم هو يتكلم
وبالنسبة للارقام فالمستشفى الاغلب رقمي اذا كان مستشفى خاص لان زوجي دايم ينسى المواعيد اما المستشفى الحكومي ينحط رقمي ورقمه فالملف ويطرشون رساله ع الرقمين سواء ابموعد لي او لاطفالي

الجوال يعطيهم رقمه عادي