تسمين الجسم ابي حل :(

وعليكم السلام
الحال من بعضه انا متزوجه وعندي أطفال ولا شي خلاني اسمن
اذا لقيتي حل خبرين

حبوب برنابول المغربية تسمن وعن تجربة...كنت فاقدة الانل لين استخدمها ..والحمدلله نفعت كثير غيري

سبق رديت عليك بموضوعك الاول بنسخه


الماش يسمن ويكبر من تحت

خذي ماش مطحون ملعقتين كبار اخلطيهم مع كوب حليب ساخن وملعقتين عسل واشربيه على الريق وبالليل .




او خذي نص كوب سمن او زبده بقدر وضيفي له كوب ماش مطحون قلبيه على نار هاديه دقيقه ثم اضيفي له كميه من التمر تكفيك اسبوع انزعي منها النوى واعجنيها شوي على النار ثم كوريها او اعمليها اصابع ورشيها بالسمسم وكلي منه يومياً بين الوجبات 4 أو 6 كور او اصابع واشربي كوب حليب .



او خذي مكسرات مشكله كاجو فستق لوز عين الجمل فول سوداني بندق من كل نوع مقدار فنجان القهوه وكليه بين الوجبات وكلي قبله او بعده ملعقة عسل .




او بين الوجبات كلي حبتين موز واشربي كوب حليب بملعقه عسل .


او كلي 5 تمرات وغمسيها بفنجان طحينه سايله على الريق وبين الوجبات واشربي كوب حليب




او كلي بين الوجبات كوب متوسط لوز او جوز ( عين الجمل ) وكلي معه 4 ملاعق دبس التمر او ملعقتين عسل .



جربي اللي يناسبك وكل يومين او ثلاثه غيري عشان ماتطفشين واخترعي لك مشروب غني بالسعرات الحراريه ومغذي مثل مخفوق حليب مع عسل وايسكريم فانيلا واضيفي له اما موز او نوتيلا



النتيجه تبان من الاسبوع الثاني بشرط تحافظين على الوجبات الرئيسيه

اذا زوجك مايحب الخرابيط
اسهل شي سوي له تمر بالماش المطحون مع سمن او زبده نفس الطريقه اللي كتبتها واعمليها اصابع او كور ورشيها بالسمسم وبعد الوجبات جيبي قهوتك ومدي له التمر
او شجعيه بين الوجبات ياكل موز او مكسرات وعسل او بقلاوه اذا زوجك من محبين الحلا

والاحظ الرجال يحبون المعصوب جهزيه وكثري له التمر والقشطه والعسل ومع الايام بينتفخ