على قولتك يا ام الكتاب اصلا دايم لما الوحده تسمن شوي يبان على طول على وجههاا واذا نحفت برضو يبان على طول على وجهها وتلاقين اول شي ينحف فيهاا وجهها يعني اذا تبين خدود تختخي حبتين
اختي بذرة الكتان صدق التمر يسمن الوجه هذانا حنا كل رمضان نجلس شهركامل ماغير تمر على الريق ولا سمن وجهناا ولا شي على العوم يمكن يختلف من شخص لثااني
المهم بنات مدام الدعوه كذا يلله استغلو اننا برمضان وكل يوم على الريق كلو خمس تمرات ها سمعتي يا ام مسفر؟؟
عشان مايجي العيد الا كل وكل وحده سامنه سمنه وجهها متفخ :17:
وش دعوه امزح معاكم
تحياتي :26:

صح كلام أم الكتاب نورا , وصح كلام بذر الكتان... كل شي يسمن, يسمن الجسم كله, ويبان في الوجه, لأن هو الواجهه الباينه للناس..واللي يضعف, ببان بعد في الوجه الأول... صج آنه فيلسوفه.. :cool:

وكلام بذر الكتان هم صحيح.. والسبب إن ما يبان في رمضان, لأن طول اليوم بتكونين صايمه, وفايدة التمر بتمدك direct الطاقه , المعده خاليه, وكل شي بينزل فيها بيمتصه الجسم ... لكن إن كلتي التمر على الريق أيام الفطر, وبعدهه بساعه:time: راح تفطرين, وبعدين بتتغدين , وبتتعشين, إلالالا بتسمنين وببان في الجه وبتصيرين إتجننين..:32:

وإذا بغيتي بعد, شربي حلبه مطبوخه, طبخيهه وصفيهه برديها , خلطي حليب بودر معاهه, وحليهه بالعسل أو بالسكر, شربيها مرتين باليوم, الصبح على الريج, والليل قيل النوم.. وفي رمضان خليها بعد الفطور وبعد السحور.. ومن تلاحظين الوجه تدور.. :21: , وقفي.. وإن إنصفق الوجه مره ثانيه ردي و سويها :26:

لوسمحتو يابنات فيه حبوب الخميره هل سمعتو عنها أنها تسمن الوجه والي جربتها تتفضل وتعلمنا أش حصل معاها بالتفصيل الممل ولكم خالص تحياتي



وكل عام وأنتم بخير

يابنات طيب كيف نتائج حقن الوجه

هل هي دائمه ولا لا

وكم تكلفتها

وياريت الي تعرف موقع للرد عن الاسئله التجميليه الطبيه ترسله علي

ولها خالص امتناني

هلابك اميرة المنتدى
وبالنسبه لسؤالك عن الحقن فيه دائم يعني على طول وهذا غالي شوي
وفيه مؤقت يجلس سنه تقريبا معك لكن ماانصحك فيه لان بيكون شكلك مش طبيعي
اما بالنسبه لسعر الحقن الدائم تقريبا من 10000 وفوووق
واذا حبيتي تسويه سويه بمستشفيات اظمن او اذا انتي تسافري برى سويه برى يكون ارخص من هنا
ولبنان احلى
اتمنى اني افدتك
:17: