اخواتي لاحظت ان كثير من الاخوات تتكلم بردود ماهي محببه وكلام فيه خشونه للي يفرزنون او يشتغلون لرمضان قبل بوقت بما ان الظروف والاوضاع تختلف فالمفروض ما نجرح في بعض انت ما تدري شنهي ظروفها لان في بينهم العامله اللي ما يمديها وفي الحامل واللي عيلتها كبير واللي عزايمهم كثيره واللي000000الخ واللي يفرزنون يدخلون المطبخ ويشتغلون ويتعبون كل ما هنالك شوية تخفيف ومساعده يعني ***** الله لها الاجر مافي شي ضايع عند رب العالمين و الاكل راح ينوكل ماينقط يعني المسأله اذواق اذا انت ما تحبين الاكل المثلج غيرك يشوفه اطعم والذ والوقت اللي بتوفره ما راح تقظيه في الهوا راح يكون في عباده يعني مأجوره ***** الله في الحالتين واعتقد ان القرآن والعباده بالاضافه للثواب تعطي روحانيه للنفس فتطلعين من الشهر ونفسك مرتاحه ومتجدده غير لما تطلعين تعبانه ما صدقتي انك ارتحتي من التعب
على العموم انا ماني من اللي يفرزنون احب الاكل فرش
بالنسبه لموضوع تسهيل الشغل في رمضان هذي بعض النصائح *****الله تفيدكم
1- اعتقد اهم شي تنظيم الوقت يعني حطي لك جدول الاعمال اليومي من بداية الشهر والتزمي فيه راح تشوفين انك تلحقين على كل شي وانت مرتاحه
2- حاولي دائما تستيقظين مبكره لا تتأخرين الى صلاة العصر وبعدين تقولين مافي وقت وتتوترين وتعلنين الطوارئ كل مابديتي مبكر كان الوقت قي خدمتك
3- وزعي الاعمال في المنزل على الجميع لازم كل واحد يؤدي واجبه ويشارك وشجعيهم بالثواب المضاعف اللي بيحصلونه في هذا الشهر الفضيل 4
- لاتنامين قبل ما تكونين حددتي ايش بتطبخين في اليوم التالي وتأكدتي من وجود المقادير كامله عندك علشان ما يربكك نقصان غرض وتأكدي ان نص الشغل يخف اذا كنت محدده من قبل ايش بتطبخين لان التفكير يأخذ منك الوقت بدون فايده وخصوصا وانت خايفه انك مايمديك راح ترتبكين ويضيع الوقت 5-استغلي الوقت واني في المطبخ بالعباده بجانب العمل يعني وانت تنظرين الماي يغلي اقري قرآن وشغلي شريط وانت تشتغلين اصلا ما تحسين بالوقت ولا التعب والشريط يشتغل
6-لاتدخلين المطبخ من اول يومك لانك مهما عملتي ما راح تطلعين الاعند الاذان لذلك ادخلي من بعد ما تصلين العصر وتقرين قرآن وتأدين بعض الواجبات المنزليه يعني تقريبا قبل المغرب بساعتين ونص خصوصا اذا كنت محضره ايش بتسوين من قبل ومتأكده من المقدير ماراح تأخذمنك وقت اطول
7-استخدمي الادوات اللي تخفف لك العمل مثل الاجهزه والصحون البلاستك
8- حضري للسحور مع الفطور في نفس الوقت ما يجي وقت السحور الا على التسخين وبس
مثال هذا كان نظامي في العام الماضي
الاستيقاظ التاسعه صباحا ابدأ بالتنظيف والترتيب والغسيل والكوي الى وقت صلاة الظهر بعد الصلاة اقرأ قرآن وبعض العبادات وبعدين ارتاح الى صلاة العصر بعد الصلاة قرآن واجلس مع عيالي اتكلم معهم واعطيهم بعض الارشادات ثم ادخل المطبخ اكون محدده ايش بطبخ ومجهزه المقادير على طول ابدأ بالحلى لانه يحتاج وقت واحيانا يحتاج وقت علشان يبرد ما يأذن المغرب الا وسفرتي جاهزه بعد الصلا والفطور على طول انا والبنات نرفع السفره وكل شي يروح كانه مباشره يعني المواعين على الغساله والاكل الزايد يتغلف والمطبخ يتنظف بعدها خلاص وقتي كله لي عباده وراحه او ازور امي الى الساعه 12 اجلس في المطبخ احضر للطبخ في اليوم التالي وأتأكد من مقاديري علشان يلحق زوجي يشتري النواقص بعدين انام الى وقت السحور وبعدها نقرأ قرآن الى وقت الصلاة
طبعا انا موزعه الاعمال وعامله جداول لكل اللي في البيت وكل واحد عارف واجبه فالعمل جدا سهل
****لله اكون افدتكم والله يبلغنا واياكم رمضان ويجعلنا من عتقائه من النار

مشكووووووووووووووره افكار وخطط سهله

ههههههههههههههههههه

فيه بنات إنتقادهم مضحك وغير بناء أبد ...
أحد قال لكم غصب فرزنوا !!!
اللي ما تحب تفرزن لا تفرزن .. بس لا تنطلون كلام على غيركم .. خلوهم براحتهم هم ما يعجبهم الفرش على قولكم ..
بعدين اللي تقول احتسبي أجر التفطير .. يعني يوم تشتغل عشان تفرزن من هو له هالتعب ؟!
مو عشان تفطر أهل بيتها .. الأجر ان شاء الله محفوظ اذا وجدت النية ..
طيب هم يبون يجمعون بين أجر التفطير وأجر العبادة في أشياء ثانية .. صلاة وقراءة قرآن وذكر وغيره ..
أبواب الأجر كثيرة .. وكل واحد يختار اللي يحبه منهم .. الأمر فيه سعة لا هو حرام ولا عيب ..
هي مسألة رغبة شخصية وحرية ..
واللي تنتقد وتلمح انها سنعة تسوي كل شيء يوم بيومه .. أبي أقول لك انه بإمكانك توصلين هالمعلومة بدون ما تجرحين في غيرك ..
ولعلمك ترى لو ما البنات سنعات ما فرزنوا ..
تحبين طازج .. كلي طازج .. بس هم يحبون مفرزن .. ماكلين من حلالك شيء ؟؟!!

عندكم أفكار لتسهيل العمل واختصار الوقت في أعمال البيت في رمضان حياكم ..
اطرحوا اللي عندكم .. ( أكيد غير الفرزنة لأنكم سنعات ماشاء الله )
لكن انكم تردون لمجرد الإنتقاد ..و التميلح والمهايط اللي على غير سنع .. فليتكم ساكتين أحسن .




أنا أقول رغم اني ما أفرزن .. مو لأني أشوفه غلط .. لكنها رغبتي الخاصة بس .
يا بنات وسعوا صدوركم وفرزنوا أي شيء يخطر على بالكم عشان تتفرغون للعبادة أكثر ..
الله يقويكم ..
بالنسبة للمواعين غسالة المواعين بتريحكم كثير وتختصر وقت الغسيل .. وبدل ما يروح وقت التراويح وأنت على المجلى تجلين مواعين ..
خلي المواعين في الغسالة وصلي التروايح .

والله يعيد رمضان علينا وعليكم بالصحة والعافية ويوفقنا لصيامه وقيامه .

جزاك الله خير

انا فريزري فاضي ولا احب افرزن كل يوم بيومه كل شي..اهم شي اكون عارفه من الليل وش باطبخ بس

ياحبايبي االبصل اذا تقطع ووضع فيالثلاجة يفرز ئمادة سامة احلى شئ كل شئ بوقتة