تسووووون من الحبة قبة......!!!!!

والله ياأختي ازهار..
للأسف اشوف كثير من الحريم يتكلمون
لمجرد اثبات وجودهم بغض النظر هل كلامهم
له قيمه!
هل كلامهم معتبر وفيه فايده؟
هل كلامهم خالي من ماحرم الله من الغيبه؟
معليش لو زعل مني البعض..
بس بعض الحريم ماتتكلم الا لتثبت وجودها..
بس .

أهلين أختي أزهار الربيع
صدقتي والله ياليتنا جميعا نفكر بقيمة مانقول قبل مانقولة
وكل انواع الحديث النسائي تهوون عند الغيبة والنميمة والشماته بأهل المصائب
والسؤال اللي يطرح نفسه؟؟
ليه الآن اصبحت الغيبة والنميمة والشماته هي وسيلة شد الانتباه ولفت الأنظار مع الأسف!!! فتلقين اللي هذا سلوكها يلتف حولها الجميع ولو كانوا في دواخلهم مايحبونها ويحذرون الناس منها لكن يسمعون لها بآذان صاغية!!
ولو أننا جميعا ربينا أنفسنا على كره الغيبة والنميمة والامتناع عنها وعن سماعها ماكانت المغتابه لقت لها مجال
وأمر دائما أذكر فيه نفسي وأخواتي هو قولة تعالى : (مايلفظ من قول إلا لدية رقيب عتيد).
فاللي تطلق للسانها العنان وتغتاب وتنم وتتشمت لازم تنتبه ولا تأمن عقوبة الله تعالى لها على ماتقول
ووالله إني شهدت على حريم اغتابوا وتشمتوا بأصحاب مصيبة وشفت بعيني إن اللي شمتوا فيه واغتابوه أصابهم ببناتهم

اللهم ياحي ياقيوم قنا شر انفسنا وألسنتنا

وعليكم السلام والرحمه

كلامك صحيح

البهارات للأسف احيانا تكون اختصاص

وأغرب شئ ان يكون الحدث صاير قدامك ثم تنقله امامك لأخرى بأسلوب وبطريقه غير ماشفتي لدرجة تفكري هل انا ماشفت او مافهمت حاجه!!!

ليس بنقل الحدث حتى التعبير عنه تجديه مبالغ كمثلا فتاه رايتها جميله جدااااااااااااااااااااااااااا وتمدح ساعه وبعد ماتشوفينها تلقيها عاديه ليس كما تخيلتيها

اما نقل الكلام هاااااااااااذي سمه للأسف بالكثيرات نظرا للفراغ اولا وثانيا ماعندهم كلام فيحشوا

فلانه قالت فلانه ردت ووووو وهاذي طبعا غير اللي تنقل للمشاكل الأولى بس كلام وقالت وحطت وماناقض غير بس التفاصيل الدقيقه مثل لبست عبائتها وتغطت زين ولبست نعالها قبل لاتطلع من المجلس

وكلهم يضيقون الصدر وماودك تجلسي جنبهم

اما ليه سمه بالنساء ؟ لاتحكمي ماتدرين عن عالم الرجال

اما علميا يقولون ان الرجل يفكر بالجهه اليسرى التي لاتستخدمها المرأه... اذا لم تخوني الذاكره

اهلا أختي أزهار الربيع:26:
طرح موفـق باذن الله ...
الدافع للأتهام وان صح التعبير الجاني على ان نتصف بهذه الصفات اولائك الاتي لا يعلمن مدي ماتجنيه الألسنه ...
وفي حد يث معاذ بن جبل رضي الله عنه : قلت يارسول الله وانا لمؤاخذ ون بما نـتكلم ؟ قال : ( ثكلتك امك يا ابن جبل . وهل يكب الناس في النار على وجوههم , اوقال : - على مناخرهم الا حصائد السنـتهم ؟ )..

أو أعمتهن الغيرة وحب رفـع النـفـس بتـنـقيص الغير ... غافلة انها تـنقص بل تحرق حسناتها , وتزيد الغير في الحقيقة لم تـنــقصه حيث اهد تها حسناتها , او اخذت من سيئاتها .

وبهذا تكون جلبت لنفسها العناء ( كل نفس بما كسبت رهينة )

وقال بعض البلغاء : الحسن الخلق من نفسه في راحة ، والناس منه في سلامة . والسيئ الخلق الناس منه في بلاء ، وهو من نفسه في عناء
وجزاك الله خير الجزاء
وتقبلي أرق تحية:26:
سبحانك اللهم وبحمد ك , اشهد ان لا اله الا انت , استـغـفرك واتوب اليك

جلست مع عائلة الام وبناتها (يدرسون) .. وبنتها الكبيره (المتزوجه) .. و(حرمتين) من حريم اولادهم >>افهموها بطريقتكم
بصراحة شي غريب .. كنا في جمعة لوقت طويل .. ومن اول ماجلسنا الى ان (حان الرحيل) >> وش ذا ؟؟
تصدقون يالغاليات .. كان الهرج في :
( سمعتوا محاضرة الشيخ ..؟ شفتو اش سوو اليهود في فلسطين ...؟ سمعتوا اخر خبر عن التحايل في فتوى تشقير الحواجب.. ؟ ولدك باي دار تحفيظ سجلتيه..؟ بقول لكم حكايه عن صبر الصحابي ... وووووو...
وللتنويع .. شفتي نسائم الايمان في قناة المجد.. ؟ مين تشترك معانا في جمعيه عشان (س) محتاجه تسوي .. ؟ تصدقين شريت ملابس العيد قبل الزحمة ويكون رمضان للعبادة.. .!! اتصلت بالاخت الداعية فلانه عشان تجي تلقي ندوة للبنات اللي في مدرستنا الله يهديهم ... ووو
واكثر واكثر ..

الهدف من كلامي >> اخلصي
ماسمعت وحده فيهم جابت طاري احد .. سواء عن مشاكل الناس وخصوصياتهم .. او اي كلام عن فلانه .. بالعكس الدعاء بالصلاح والهداية

بصراحه .. استفدت منهم كثير .. وخجلت امزح كثير>> تستخف دمها احيانا
حتى اني لقيتني اقول كلام مفيد >> مادح نفسه...
واستفدت الكثيير الكثير من جلستهم
وبعد كذا اذا صار وجلست جلسه ثانية مع ناس غير .. اذكر لهم من البداية عن روعة الجلسه الطيبه اللى كنت فيها اول وكيف انها حلوه .. ويصير مرات بعض الاخوات تحاول تغير مجرى الحديث للافضل ..

بصراحة استفدت منهم .. وعرفت بعض عيوبي ..

وتسلمين اختي ازهار الربيع على هذا الموضوع
وحديقتنا(منتدانا) ازهرت ببذرك المثمر ..
حفظك الله وسدد خُطاك ...

اختك:
**المتفائلة4**