تشتت العائله ..

السلام عليكم ورحمه الله وبركاته
ما ادري اتوقع لموضوع فضفضه او لا بس اللي متأكده منه انه مشكله كبيره.
تخيلو اننا عايله من 17 شخص كل شخص يعرف اننا بهالعدد يفكرنا بسعاده وراحه لكن الحقيقه اننا عكس هذا كله .
امي الله يحفضها ما ادري كيف متحملتنا للحين ما ادري كيف ما صار لها شي للحين .
محد يعرف عن الثاني شي لدرجه اختي اللي احنا وياها ببيت واحد ما ندري تدرس اي سنه بالجامعه او متى بتتخرج واذا سألنا تقول الناس ما يعطون خير وتحسدوني ومن هالكلام.
البيت معفن وسخ ريحته تسبق اللي يجي واحط جدول عشان نتعاون محد يعطيني وجه .
انا البنت الوسطى اختي اللي اصغر مني فاهمه الدين انه تضييق على لناس لدرجه انها تضرب الشخص اذا ما اخذ بنصيحتها واختي اللي اكبر مني شغاله تحطيم بأي شيء واي شخص حتى لو ما تعرفه.
بالعيد محد يطق الباب . احنا محد متزوج منناومتأكده اذا احد تزوج محد بيحضر الزواج غيرنا احنا ولا حتى خالاتي ولا عماتي .
من اول ما يقوم الشخص فينا يجلس على جواله لين ينام محد يكلم الثاني كل واحد له عالمه .
حاولت اجمعهم لكن جلستنا كلها تحطيم للثاني كل واحد جالس يشوف الثاني بأيش الله ميزه ويجلس يدقه لين يعيفها ويتركها.
قررت اني ماعاد اجمعهم لاني انا كمان متضرره من الكلام والله احيان احسنا انخلقنا بدون قلوب .
محد يطلع منه كلمه حلوه حتى ابوي كلامه زي السكين على القلب اتمنى احيان انه يسطرني ولا يسمعني ولا يسمع احد مننا كلامه.
اختي الصغيره خامس ابتدائي ابوي كل ما شافها يقول انتي ولد رغم انها احلانا كلنا . مره صحى من النوم شافها يقول هذي أذتني ما خلتني انام قلت له هي توها صحت تروط وسكت .
يدور اي شي يزعلنا ويسويه ابوي بخيل لدرجه كل شي على امي وامي مي موظفه .
الجدر حق بيتنا ابيض عفن لين قلب اسود قامت امي ضربت البيت بويا من فلوسها حتى لما جاء استغرب ان فيه بويا بعدين جاء قال ليش ما استجرتي لنا استراحه بدال ما نقعد بالبويا تكتمنا . انا هنا تنرفزت .
ابوي احسه سبب كل شي اختي الكبيره اللي المفروض هيي اللي تضربنا بالعصا عشان ننضف العفن اللي بالبيت ابوي ما يخليها تمسك قرطاس واحد واخواتي الثانيات اقولهم وش رايكم نسوي جدول كل وحده يوم يقولون لي وهي ليه ما تسوي اقول ما علينا منها يقولون اذا هي ما اشتغلت احنا مو مشتغلين .ونكنسل الجدول.
امي شخصيتها مو قويه اخواني واخواتي يتضاربون قدامها بالعصا وهي ياحرام ما تدري وش تسوي .
البيت وصخ والقمل مالي شعورنا والمشاعر بين بعضنا متوتره لدرجه كلمه وحده تسبب مشكله بالبيت لين ما اعتزلتهم ونضفت شعري ونضفت الزاويه اللي انا فيها بغرفتي وتركت لهم البيت باللي فيه 20 سنه وانا اعلم فيهم لكن من شهر تركت البيت واصلاحه لاني كل ما سويت شيء ابوي جاء وخرب علي انا احبه بس هو اذا عرف عن شي انه يزعلني يسويه صرت اخبي زعلي بقلبي قدامه عشان ما يعرف نقطه ضعفي حقي ياخذخ ويعطيه اختي الكبيره كل اثنين بعايلتنا فيه تفرقه بينهم بسببه