اليوم جايبتلكم شئ مهم وخطير ولازم كل ام تقراه
كم مره رحتي السوق واشتريتي لولدك او بنتك رضاعه بلاستيك:
اولا :لأنها خفيفه ويقدرون يمسكونها
ثانيا:لأنها تخدم وماتنكسر
ثالثا:لأنها سهلة الحمل في الشنطه
..........الخ
انا كان كذا تفكيري لحد ماسمعت الناس بدات تتكلم انها خطيره في البدايه الكلام ما اثر فيني بس مره بالصدفه شفت الاخبار في قناةmbc
والا يقول ان في الصحه العالميه وهيئات المقاييس طبعا في امريكا اكيد مو عندنا حذرت من استخدام علب البلاستيك لرضاعات الاطفال كذا قال وعلى راسهم شركة شيكو تخيلو وجابو تقرير كامل عنها وعن خطورة هالماده المصنعه منها
وطبعا في اشياء كثيره غير الرضاعات مصنوعه من هالماده
واغلبها للاسف لاشياء اطفال حسبي الله عليهم
طبعا ذكروا ان لها رمز مكتوب في اسفلها ومنها تعرفينه وهو مثلث فيه 7
طيب كيف تعرفينها ؟
تعالي اعلمك كيف:
رموز مهمة جداً
>
> هيا نتعلم هذه الرموز المهمة
كثيرا م****هد هذه الرموز على العلب البلاستيكية بل وكل شي مصنوع من البلاستيك فهل تعلمين مامعناها
الرقم 1 : آمن وقابل للتدوير . يستخدم لعلب الماء والعصير والصودا وزبدة الفول السوداني
الرقم 2 : آمن وقابل للتدوير : يستخدم لعلب الشامبو والمنظفات ، الحليب ولعب الأطفال ويعتبر من آمن انواع البلاستيك خصوصا الشفاف منه .
الرقم 3 : ضار وسام اذا أستخدم لفترة طويلة وهو مايسمى بالفينيل أو ال PVC ، يستخدم في مواسير السباكة وستائر الحمام ، وكثيرا مايستخدم في لعب الأطفال وتغطية اللحوم والأجبان كبلاستيك شفاف لذا يجب الحذر من هذا النوع بالذات لأنه من أخطر أنواع البلاستيك وأرخصها لذا يستخدم بكثرة.
الرقم 4 : آمن نسبيا وقابل للتدوير ، يستخدم لصنع علب السيديات وبعض القوارير واكياس التسوق.
>
الرقم 5: من أفضل انواع البلاستيك وأكثرها أمناً ، يناسب السوائل والمواد الباردة والحارة وغير ضار أبدا . يستخدم في صناعة حوافظ الطعام والصحون وعلب الأدوية وكل ما يتعلق بالطعام . أحرص على أن تكون كل مواعينك من هذا البلاستيك خصوصا علب طعام الأطفال المستخدمة لوجبة المدرسة وقارورة الماء المستخدمة لأكثر من مرة . وأحذر أستخدام علب ماء الصحه لأكثر من مرة لأنها مصنوعة لتستخدم لمرة واحدة فقط وتصبح سامه أذا أعيد تعبئتها
الرقم 6 : خطر وغير آمن وهو ما يسمى بالبولي ستايرين أو الستايروفورم ، علب البرغر والهوت دوغ وأكواب الشاي اللي كأنها فلين والمستخدمة الى عهد قريب في مطاعم الوجبات السريعه العالمية عندنا مع العلم أنها منعت منذ أكثر من 20 سنه في أمريكا من قبل الحكومة وماك دونالدز توقف عن أستخدامها منذ 1980 !!! تخيلوا قد أيش حنا مساكين وماعندك أحد وملعوب علينا، الحذر من هذه المادة والتي ما تزال تستخدم في المطاعم و البوفيهات الشعبية . كذلك هذه المادة من أسباب نقص طبقة الأوزون لأنها تصنع بأستخدام غاز CFC الضار ..
الرقم 7 : هذا النوع لايقع تحت اي تصنيف من الأنواع الستة السابقة وقد يكون عبارة عن خليط منها والأمر الهام هنا أن كثير من الشركات العالمية بدأت تتجنبه بما فيها شركة TOYS R US الأمريكية للألعاب والتي تصنع كذلك رضاعات الأطفال . وماتزال هذه المادة محط جدال بين الأوساط العلمية . الزبدة تجنبي هذة الماده قدر الأمكان الا أذا ذكر عليها أنها خالية من مادة BPA وتكتب على الرضاعات كما يلي (BPA-free bottles. ) وتكون شفافة ، طبعا عندنا مالك أمل تلقى هالكلام لان أصلاً حنا ماتضرنا ها الأشياء والا ليش هيئة المواصفات والمقاييس نايمه ولا هي معبره أحد . مع العلم أن حالات السرطان عند الأطفال والكبار في أزدياد مخيف في السعودية على وجه الخصوص ، حسبي الله على كل من ضيع الأمانة.
ملخص الموضوع
يازين الزجاج وياحلاته وخصوصا اذا انغسل وتعقم وصار يلق
ويازين صحة اولادنا بعد
لاتشترين أي بلاستيك ماعلية رقم حتى لو كان لعبة طفل أو حتى طاولة أو كرسي أو أي شي ممكن تستخدمة وتلمسينه بيدك، أنتبي أنتبي أنتبي ، أحرصي على البلاستيك الذي يحمل الرقم 5 فهو أكثر الأنواع أمانا بأذن الله بالنسبة لأعادة الأستخدام والحرارة للطعام . أما البلاستيك لمرة واحدة وله علاقة بالطعام أو الشراب فرقم 1 جيد والله يحفظنا وأياكم من كل سوء وسلامتكم
آمل ان موضوعي كان مفيد اذا استفدي منه ادعيلي ان الله يحقق لي اللي في بالي ويسخر لي زوجي ويصلح اولادي
واياي والمسلمين اجمعين