تشتغلين في المستشفى ؟؟ حياك نورينا بالقصص للعبرة ...!!
بسم الله الرحمن الرحيم
حبايبي الحلوين .. انا كعادتي احب المواضيع الي فيها قصص وعبرة.. تخلينا نفكر ونحاسب نفسنا
تذكرنا بالآخره.. تذكرنا بالنعم اللي نحن فيها وما حاسين... الوحده فينا الله عطاها كل شئ..
ومع هذا ما تشكر ولا تحمد.. ولا يعجبها شيء هذا حال البشر ...
( إذا مسه الشر جزوعا وإذا مسه الخير منوعا إلا المصلين الذين هم على صلاتهم دائمون )
الانسان يتكبر ويغتر ولاهي في الدنيا ويشوف نفسه قوي يتسلط ويتجبر على خلق الله ويذل ويهين
مع انه اضعف مخلوق.. لو شرق بقطرة موية.. يروح فيها ولا يقدر يسوي شئ سبحان الله
حبيت اكتب هالموضوع للكل مع اني حددت اللي يشتغلون بالمستشفى عشانهم اكثر احتكاك بالمرضى
ويشوفون قصص وعبر كثيييره.. يشوفون الموت قدامهم الف مرة .:44: لكن لو اي وحده عندها قصه اثرت فيها تشاركنا...
طبعا انا اشتغل بالمستشفى بالطواري والعنايات المركزة...وشفت قصص وعبر كثيره عشان كذا قررت اكتب الموضوع للمشاركة
رجاء يا بنات لا تجي وحده وتكتب ردود خارج اطار الموضوع لا تعليقات على الدكتاره ولا الممرضات هدف الموضوع واضح :09: كل انسان الله بحاسبه على عمله
قصص للعبره فقط.. والقصه تكون بشكل عام لا تمس بخصوصية احد..يعني لا تحددون لا قبيلة ولا اسم ولا منطقة
ولا حتى اسم المستشفى...
ومثل ما قلت مو بس لللي يشتغلون بالمستشفى اي وحده شافت عبره تذكرها لنا عل وعسى الله يرقق قلوبنا
راح ابدأ لكم انا تعلمت من شغلي اشياء كثيره وربي وين كنت وشلون صرت..:44:
عرفت الانسان شلون ضعيييييف حيل...بكتريا ولا فايروس اللي ما تنشاف بالعين توديه في داهيه
اشوف المريض يموت قدامي.. وكل الستاف يركضون اللي يسوي انعاش وصدمة وادوية وووو لكن يومه تم
اعيش مع الناس احزانهم واشوف دموعهم واشوف المرضى واحمد ربي مليون مره على نعمة العافيه
لا مال ولا جاه بينفع الانسان لو راحت الصحة فلوس الدنيا ما تشتريها وربي...
دام انتي في عافيه احمدي ربك.. لا تزعلين لو انتي مب حلوة..ولا بيضا لا تزعلين لو خشمك طويل ولا قصير
لا تندبين حظك انك فقيره ولا تستصغرين اي نعمة انتي فيها. حتى طرفة العين . احمدي الله
احمديه انك تقدرين تستعملين الحمام. غيرك لا مايقدر .احمديه على نعمة المشي... على نعمة النظر...
لك رجول تمشين فيها.. غيرك محروم... تخيلي انك في السرير طول اليوم لسنوات مو يوم ولا يومين...
تشوفين ..؟ تسمعين ؟ تقدرين تتكلمين ؟؟ قولي الحمدلله..
النفس مو تشوفينه ابسط شئ.. غيرك والله ما يتنفس الا بالاجهزة...
تقدرين تنظفين نفسك وانتي بكرامه..؟؟ غيرك لا لازم ينظفونه.. ياربي لك الحمد :44:
اللهم لك الحمد حمدا كثيرا طيبا مباركا فيه..
طبعا من القصص اللي اثرت فيني حيييييييييل وخلتني ابكي وابكي...
عندنا زيارة للمرضى اللي في بيوتهم نقيم حالتهم وتطور المرض
في مريض عمره اقل من 20 سنة عنده مرض ضمور العضلات.. يعني حتى عضلة الحجاب الحاجز ما تشتغل
ما يتنفس الا بالجهاز وعن طريق فتحة في القصبه الهوائيه..لكن يقدر يتكلم وياكل وما يتحرك من السرير
سالته عن حالته قالي الحمدلله.. انا انسان ذكي وعندي طموح لا تشوفيني كذا > شاطر ما شاء الله يدرس
يقولي يبي يصير مهندس كبير :( وعنده اختراعات يبي يسويها.. ويتمنى يصمم كرسي متحرك حق نفسه
يتمنى يطلع من البيت ويشوف العالم بس مايحب نظرات الناس.. اسال الله ان يشفيه الله قادر على كل شي
اللي اثر فيني انه عنده طموح.. وهو بهذي الحاله.. مع اني شخصيا مؤمنه بانه يقدر بس مافي دعم اجتماعي ابدا
اتمنى يعجبكم الموضوع وتشاركون فيه... ولي عوده ان شاء الله بقصص ثانية
57
7K
يلزم عليك تسجيل الدخول أولًا لكتابة تعليق.
بنت الباشا الثامن
•
ماشاء الله عليك وش تخصصك ؟
ماشاء الله عليك حبيبتي
انا لو مكانك امووت مااحب هالمواقف
الله يقويك ويعطيك الصحه والعافـــيه
انا اختي تشتغل بالمستشفى واذا جاءت مالها خلق احد من كثر ماتشوف من مصايب وخاصه الصغار اللي يصير لهم حوادث تقول لو تشوفين شكل اهلهم لما يجوون يقطع القلب
انا لو مكانك امووت مااحب هالمواقف
الله يقويك ويعطيك الصحه والعافـــيه
انا اختي تشتغل بالمستشفى واذا جاءت مالها خلق احد من كثر ماتشوف من مصايب وخاصه الصغار اللي يصير لهم حوادث تقول لو تشوفين شكل اهلهم لما يجوون يقطع القلب
الله يعيك على تحملك لهالمناظر
الله يشفيهم ويرفع عنهم
كنت ازور احد اقاربي وهو في العنايه - الله يرحمه -
كنت اطلع وانا كاره الدنيا بالي فيها
هذا يغيرون له
هذا يشفطون من حلقه
هذا يون ويصيح
والله يتقطع قلبي واردد
يارب لاتردنا الى ارذل العمر
ولاترفع عنا عافيتك وتحوجنا لغيرك .
الله يشفيهم ويرفع عنهم
كنت ازور احد اقاربي وهو في العنايه - الله يرحمه -
كنت اطلع وانا كاره الدنيا بالي فيها
هذا يغيرون له
هذا يشفطون من حلقه
هذا يون ويصيح
والله يتقطع قلبي واردد
يارب لاتردنا الى ارذل العمر
ولاترفع عنا عافيتك وتحوجنا لغيرك .
الصفحة الأخيرة