اتمنى الكل بصحه وعافيه
اكثر البنات يشتكون من جسم خشن وشعر تحت الجلد ولايطلع حتى بالحلاوه
والحل
سهل ولا يبيله اي شي فقط يبي اهتمام قبل ازالة الشعر بثلاث ايام متتاليه
اولا نسوي سنفره للجسم ونحتاج
شرايح ليمون اصفر
زيت زيتون اي نوع ويفضل الوزير
سكر
نحتاج صحن
نحط اول شي الليمون وفوقه السكر واخيرا الزيت وحسب الكميه الي اتكفي جسمكم
وبعد ماتاخذين الشور العادي ناخذ الشرايح الي مليانه زيت وسكر ونبدا نفرك الجسم فيهم بحركه دائريه وبدوون عنف وكل الجسم وبعد ماتخلصوون اتخلون السنفره ع جسمكم قد ماتقدرون من5دقايق ال10دقايق والي مستعجله مو مشكله تنطر دقيقتين
وبعدهاا نغسل الجسم بالمااي عدل بدون الصاابون ونجففه عدل
وبعدين نجي لطريقة ازالة الشعراللي تحت الجلد
والطريقه بسيطه وماتبي اي شي بس بالوقت الي انتي اتكونين فاضيه فيه مثلا اتابعين التلفزيوون اخذي
هالـــفلينه
والي تنوجد بكل الصيدلياات وابدئي فركي السيقاان فيهاا وبحركه دائريه وراح اتشوفون الشعر يطلع قدام اعيونكمـ وينقز من تحت الجلد ويطلع اللفوق وافركو كل المنااطق الي فيها شعر تحت الجلد ومايحتااج لاتحطون لاماي ولا زيت ولاكريم بس لازم تكون بخفه يعني كل وحده اتعرف قوة تحملهاا بشويش مو تقطعون لحمكم تحسبونهاا كعب الرجل هههههههههههههههههه
وهالسنفره تسونها قبل لاتشيلون الشعر بثلاث ايام متتاليه او باسبوع ع قد الي تبون واهم شي السنفره بالفلينه عشان اذا شلتم الشعربالحلاوة او بماكينة فيلبس او براون يطلع الشعر كله البرا وتكون الجلده نااااااااااااعمه بدوون اي حبوب وبدون اي شعر تحت الجلد او لفائف شعر باينه من تحت الجلد
ونصيحه لااحد يتسبح بماي حار او يتسبح بصابون مغربي بعد الحف بالحلاوه وبنفس اليوم لانه راح يصير عندكم احبوب و حمرا وبيضا اصغيره اي وحده تبي اتسوي حمام مغربي ياليت يكون قبل الحلاوه ابيوم
مع تمنياتي لكم بجسم ناعم وصافي
واي وحده تستفيد ياليت تدعيلي انا وزوجي وعيالي:26: