تشريبة المهياوه ..
حطيته بموضوع من قبل ..لكن كالعاده حذفت الصور
واليوم سويته مره ثانيه وبأحط لكم الطريقه مع الصور ..
هذا الرابط للموضوع القديم
http://forum.hawaaworld.com/showthread.php?t=941522
المقادير :
بدون تحديد كميات ...
الخبز الايراني الزائد من الفطور أو العشاء !!لا ترمينه ...أحسن شي تسوينه هالتشريبه اللذيذه ..
( اذ ا كنت تحبين المهياوه ..طبعا !! )
وممكن تحطينه بالثلاجه لثاني أو ثالث يوم ..
واذا ما عندك خبز التنور الايراني ..ممكن استعمال خبزالصاج أو الرقاق الخفيف ...
مهياوه ( صلصه السمك ) الجاهزه أو اللي يسوونها بالبيوت ...
زبده ..
ليمون ...
الطريقة فيها تعديل :
1- يقطع الخبز قطع متوسطه ..
2 - نضع الخبز ونقلبه جيدا ..على نار هادئه ..حتى لا يلتصق بالقدر ..
3- يرش الخبز بالماء حتى يلين مع التقليب المستمر ..
4 - يضاف الزبد أو السمن ..ويقلب الجميع ..
5- ترش المهياوه على الخبز ..مع التقليب جيدا ..ونتذوق الخبز لكي
نزيد كميه المهياوه اذا كانت الملوحه قليله ...
*** تخفف المهياوه بعصير الليمون ..
قدميها وهي حاره مع الشاي - الروب - اللبن
نتابع الطريقه بالصور ...........................
يعني غيرت عن طريقتي بالموضوع القديم ..
بس الثنتين يمشي الحال...
1- نضع الخبز بعد تقطيعه في قدر على نار هادئه ..
2- يرش بالماء مع التقليب حتى يلين ...
3- تضاف الزبده أو السمنه السايحه ..ويقلب على النار ...
4- تخفف المهياوه بعصير الليمون وتضاف وتقلب ونغطي القدر و نضع حديده تحت القدر ويترك على نار هادئه قليلا ..
تقدم حاره مع الشاي أو الروب ( الزبادي ) او اللبن ..
مع الريوق ( الفطور ) أيام الاجازه طبعا ...أو حق العشاء ....
وبصراحه اعتبرها افضل طريقه لأكل المهياوه بدون الحاجه لان تكون ريحتها باليد اذا اكلناها بالطريقه المعتاده ( التغميس ! )