تشقير الشعر بالبانوج ناجح ١٠٠٪؜

السلام عليكم
عندي سؤالين ابي لهم جواب من تجاربكم وياليت الكل يجاوب او حتى اذا مايعرف يحط رفع ⏫
كان من زمان حلمي افتح شعري للاشقر الفاتح طبيعيا لان انا مايناسب عليه الا الفواتح بالشعر 👩🏼لكن للاسف مالقيت شي طبيعي 😤وسهل الصبغ خاصه ان اكره شي عندي الجذور. لما تنزل 🤦‍♀️
المهم تهورت وصبغت شعري للاشقر الفاتح من كم شهر لكن ندمت لان بعد ماصبغته قالولي عن بخاخ البابونج الطبيعي الاسباني لتفتيح الشعر تدريجيا قالولي كل ثلاث ايام تزيدين تبخينهه لين توصلين للون المطلوب طبعا متاكده انه يجيب نتايج لان اللي جربته اعرفها وشعرها اسود طبيعي مو اسود صبغه لان قالو الاسود اذا كان صبغه مايبين عليه اي شي ولما شفته انقهرت مره اني صبفت شعري وتهورت اتمنيت ان استخدمته بدل الصبغه🙍🏼‍♀️
.
لعدة اسباب اولها الصبغه لما تنزل لازم تحتاجين تخلطين صبغه من جديد وحوسه بالبيت وملابس والمكان حوسه ويتوصخ وانا اكره شي عندي الجذور تبين لان المنظر جدا بشع بالنسبه لي خاصه اذا كنتي صابغه فاتح ونزلت يطلع فرق اللون بشع والشعر لونين وشعري يطول بسرعه وتطلع الجذور فالشي كان متعب جدا خاصه اني اشتغل ومو فاضيه كل شوي اصبغ الجذور😩
اما البخاخ سهل جدا لو طال شعرك ونزل لونه تبخينه عالجذور ومايحتاج تغسلينه بعد البخ او تخافين انه اللون بالجذور مايضبط نفس باقي الشعر لانه بيتدرج التفتيح لين توصلين للون المطلوب 👌
المهم قمت غمقت شعري برجعه للونه الطبيعي عشان استخدم البخاخ وما احوس بصبغ الجذور كل دقيقه والصبغه لونها بني غامق من ويلا لان قالو الاسود مايتلون الشعر بعده والبني الغامق عطا شعري لون اسود من وجهة نظري اشوفه اسود لكن مو اسود فاحم اللي بين انه صبغه اسود باهت نفس لون الشعر الطبيبعي لاغلب الناس لكن فيه خصل ومناطق باقي شقرا من اللون القديم
1/ تنصحوني من تجاربكم اصبغ من الصبغه الزيتيه بني غامق للخصل المتبقيه الشقرا ولا مابتطلع نفس اللون تطلع افتح ؟ ابي صبغه زيتيه بدون امونيا بني غامق واذا حطيتها عالاشقر تبين سوداء لان ماابي الصبغه العاديه متعبه للشعر وتنشف
2/ هل احد فيكم جرب هالبخاخ وهو صابغ بني غامق او لا ؟؟ يبين عالصبغه البنيه الغامقه او لا ؟؟
معلومات ⁉️⁉️
حطيت صورة البخاخ لكم شريته من صيدلية وايتس سعره ٧٩ وبسوق كوم بعض التجار يبيعونه ب ٥٠ وفيه يبيعونه ب ٩٠ و ١٧٠ حسب التاجر الاصلي صناعه اسباني والمغربي تقليد وينباع باغلب متاجر النت وقالولي عند العطارين والصيدليات موجود بس مالقيته بالنهدي طبعا اللي تستخدمه لازم ترطيب بكريم وبلسم ترطيب لان البابونج حتى الطبيعي يجفف الشعر لكن مع الاهتمام لا تخافين والبخاخ طبيعي ١٠٠٪؜ لانه لو صبغه كان باثر عالشيب وهو مايصبغ الشيب