تشكيلة شوربات سهلة و سريعه ........بس لذيذة

حبيت اقدم هالتشكيلة السهله و السريعه تنفع للمبتدأت في عالم الطبخ ،، و اللي طبوا عليهم ضيوف فجأة أو اللي حاب يكثر السفره بأطباق سريعه و سهله ...و المهم الطعم يبيض الوجه


شوربة الخضارالبيضاء

تسلقين الدجاج (قطع أومكعبات) مع تشكيلة مكعبات خضار صغيره (بطاطس،جزر،فاصوليا،بازيلا،كوسة) وممكن تستخدمين الخضار المشكلة المجمدة (دايماً استخدمها أسرع).

اذا استوى الدجاج و الخضار تجيبين مغلف خلاصة الدجاج ماجي و تذوبينه في قليل من الماء بعدين تضيفينه على الدجاج و الخضار و ترشين عليه شوية فلفل أسود ...و خليه على النار يغلي ثواني بعدين على نارهاديه.

عند التقديم ترشين على وجه كل طبق جبنة موزاريلا و نقط من زيت الزيتون ........ويمممممممم على الطعم اللذيذ و الريحة الطيبة



شوربة الزهرة الخطيررررة

تحمسين قطع الزهرة مع شوي بصل و أي شي أخضر عندك (بقدونس ، كزبرة ، كرفس) بس لا تكثرين ومعاهم مكعب ماجي ........بعدين صبي الماء عليه و خليه يطبخ لين تستوي الزهرة و تلين.

صبي محتويات القدر كلها في الخلاط عشان تصير ناعمة و اذا احتجت موية زيادة ضيفي القليل
رجعيها على النار الحين و تبليها بالفلفل الاسود و شوية ملح اذا تحتاج ...و أخيراً ضيفي عليها 3 ملاعق طعام قشطة .....و اذا كميتك كبيرة حطي علبه كاملة ..و حركي و خليها على نار هادية دقايق و قدميها ......ما تشبعين منها و بيطلبونها منك دايماً



شوربة الفطر السريعه

ظرف شوربة الفطر ماجي تطبيخينه عادي بس تضيفين عليه 3 ملاعق طعام قشطة أو علبه اذا الكمية كبيرة (تخلطينها بشوي موية قبل عشان تتجانس بسرعه مع الشوربة) ورشة زنجبيل وشوي فلفل أسود وتحركينها زين عشان ما تتقطع معك القشطة ....دقايق و قدميها ...........و100% بتعجبكم ان شاءالله هالشوربه لها شعبية كبيرة


و صحتين و عافية