اليوم صلحت عجينة العشر دقائق وشكلت بها توست وخبز الهمبرقر وصامولي وطلع مره روعة ويكفي إنه إنتاج منزلي>>متعوب على هالكلمه عشان نظمن إنه أنظف وأكيد أطعم وش رايكم ندخل المطبخ سواء سموبالله وأدخلو برجلكم اليمين
بسم الله
المقادير والطريقة
فنجان قهوه سكر
2 ملعقه خميره فورية
2 كاس ماء دافي
رشه ملح
ملعة كبيرة بكنج بودر
2 كاس دقيق
وملعقتين حليب بودره
إخلطيها بالخلاط وخليها عشر دقائق تخمر وبعد العشر دقائق ضعي
كاستين دقيق
ونصف كاس زيت
تعجن جيدا وتخمر لمدة ساعة وتستخدم حسب الشكل المرغوب
بعد العجن
بعد مرورساعة
نبداء بالتشكيل أول شي نسوي التوست
نفرد العجينة بس مو مره نخليها رقيقة
نطبق الطرف الأول
والثاني نفس الشي
نضعها في صينية مدهونة بزيت طبعاً الصينية الخاصة بالتوست
وبعد عشر دقائق نرجع ونفردها ونلفها مرة ثانية عشان تطلع أحلى
طبعاً الصامولي والهمبرقر نسيت أصور خطوات تشكيلها لكن أكيد تعرفون تسوونها هنا بعد ماخمرت ودهنتها بصفار بيضة وملعقتين حليب سائل وندخله لفرن يكون شغال قبل بربع ساعة وتترك في الفرن لمدة من 25 إلى 30 دقيقة عشان تستوي من جوه زين
وهنا التوست بعد ماتخمر ودهنته بصفار البيض والحليب ورشيت عليه السمسم
ماشاء الله تبارك الله شوفو شكل الصامولي والتوست وخبز الهمبرقر بعد ماطلعت من الفرن
يتبع لاتردون ياحلوات
المجموعة كاملة
وهنا صلحت حشوة مكونة من دجاج وجبنة شرائح وكتشب وحشيت الصامولي وطلع روعة
زوووووم أكثر
ملاحظة بعد ماتطلعي المعجنات من الفرن لفيها بفوطة عشان ماتيبس وتتشقق
وإذا حابة تحتفضي بها لفيها بورق زبدة أو نايلو وحطيها بعلبه بلاستيك وفرزنيها وتعقد تقريباً من أسبوع لسبوعين وممكن شهر
تم بحمد الله
أتمنى أشوف تطبيقاتكم
لاتنسوني من صالح دعواتكم
الحمد لله على نعمة الأمن والأمان والصحة والعافية
وقفة