على هذا الرابط
ملف سفرات وعزايم وبوفيهات أطباق عالم حواء ابداع × ابداع
السلام عليكم ورحمة الله وبركاته
أول شي لازم أحكيلكم أنه هاد الموضوع تجميع على فترة حوالي سنة أو أكتر .. يعني الأطباق اللي فيه والعزايم مو بوقت واحد .. بس احتفظت بالصور قلت عسى ييجي يوم اتنشط واكتب موضوع في قسم الأطباق و اليوم عزمت أخيراً ... و بتمنى تستفيدوا من الأطباق ولو انه ما في جديد ومبتكر ..
طبعاً لأن الأطباق كتيرة و معروفة ما رح أكتب الطرق، بس رجاء اللي حابة تعرف طريقة أي طبق تسأل على طووووول
أولاً .. العزايم والجمعات
هادي عزيمة لتنتين من اخوات زوجي وعائلاتهم
الأطباق دجاج مشوي ، أوزي باللحمة ، ملوخية، صينية ربيان بالفلفل الملون، جوانح دجاج بالعسل وصلصة الصويا، متبل باتنجان، ماشد بوتيتو ، شوربة جزر و طبعا سلطة خضراء ولبن.
وهاي الصورة من الجهة التانية - معلش غيرت الصور عشان الطمس ما كان مزبوط و شلت صور الصبايا بالمرة
هاد طبق الدجاج المشوي
وهاد المتبل
هادي عزيمة قبلها بأسبوعين لأخوات زوجي اربعة مع عائلاتهم وأمهم الله يعطيها الصحة والعافية
الأطباق هي فريكة مفلفلة ، أوزي بالدجاج، طبق صيني لحم فيليه مع فلفل حلو وصويا صوص، سمبوسك لحمة وجبنة وخضار، شيش طاووق ، ورق عنب، فتة بتنجان، سلطة معكرونة، صينية سباغيتي باللحمة المفرومة، سلطة خضراء
صورة مقربة
فتة الباتنجان
التشاينيز
الشيش طاووق
ممنوع أكتر من 10 صور في الرد ، نكمل في الرد التالي
هادي عزيمة لأهلي وأختي .. طالبوني وبشدة يكون نوع واحد من الأكل فعملت دجاج محشي وملوخية .. وطبعا معهم رز بالمكسرات واللحمة المفرومة ، سمبوسك، خبز بالزعتر والموزاريلا و سلطات
هاد الخبز عبارة عن خبز فرنسي مقطع قطع مناسبة بالحجم و مدهون بخليط من الزبدة السايحة، الزعتر الأخضر منشف ومفروك، زيت زيتون وملح .. و بعدها بنحط جبنة موزاريلا على الوجه و بينحط بالميكرويف أو الفرن لتسيح الجبنة
وهادي جمعة لبنات عمي عند أختي الله يسعدها ..
طبعا هي عاملة المعجنات مشكلة بيتزا وهوت جوغ وسبانخ وجبنة وزعتر .. والتبولة وسلطة المعكرونة
حلو الشتلات من المنتدى
كعك بالتمر بس بالصينية ما بعرف شو اسمه J من ايدين ماما الله يخليها
تشيز كيك وسلطة فواكه وهريسة