تشكيله فطاير راقيه تقدميها لضيوفك وشوفي الانبهار

السلام عليكم
وش اخباركم وش مسوين ازيكو عاملين ايه وش اخباركم مع البررررررررد القارس الموهم الزبدة جايتكم وانا طايرة معي طريقة روعة شفتها مصلحتها سلفتي وعجبتني مرة وصلحتها تهبل وشكلها مرتب وحلو وفيه صورة

المقادير:
كيس خبز صامولي
نقانق
2 بصل حجم وسط
صلصة بيتزا_جبنه موازريلا
زيتون شرائح_ فلفل اخضر
لبنه_صدر دجاج

الفكرة: تجيبين صينيه اللي تنفتح حقت الحلى وتقطعين الخبز الصامولي الى شرائح وتصفينه في الصينيه
بعدين تدهنين الخبز بجبن سايل ومايونيز
وتقسمين الصينيه الى اربع اقسام على شكل اكس فهمتوا مثل شكل البيتزا الجاهزة المثلثات بشرائح الزيتون يعني تكون الفاصل بين كل واحدة
الطريقة :
القسم الاول بعد ماتسلقين النقانق تقطعينها مربعات صغاروتحطينها في زبديه وتحطين معها بصلة مقطعة صغار وفلفل اخضر وملعقة جبن سايل كبيرو وم مايونيز وتحطينه على الخبز

القسم الثاني :تحطين صلصة البيتزا المنزليه او الجاهزة وتحطين فلفل اخضر وزيتون وترشين جبن موازريلا
القسم الثالث:
تدهنين الخبز بلبنه وترشين شويه زعتر
القسم الرابع: تسلقين صدر دجاج بعدين تقطعينه شرائح طوال وتحطينه في مقلاة فيها شويه زيت مع بصله مقطعة وتحطين الملح والبهارات وتشوحينها شوي في النار بعدين تحطينها على الخبز

وتولعين الفرن من اعلى وتدخلين الصينيه شوي حتى تذوب الجبنه واممممممممممممممم

الطعم جنان والشكل احلى :42:

صراحة انصحكم تجربونها مرة حلوة وشكلها احلى واتمنى اكون افدتكم لانكم افدتوني كثيرررر
وشكرااا وانتم المتزوجات صلحوها تراها سهله جدا وشوفي المدح من زوجك :arb: واهل زوجك :)وهاذي الصورة..الصراحة الشكل يهبل..الصورة في الرد االسابع