السلام عليكم ورحمة الله وبركاته

مشكورات حبيباتي على ردودكن ومحاولة تقديم المساعدة

الغالية ماما البنات مشكوورة حبيبتي على المرور والرد وإن شاء الله يكوون فعلاالله هداه وما يرجع مرة ثانية

الغالية طول الليالي مشكورة حبيبتي على المرور والرد وفعلا الوسواس يقضي على الانسان ويجره للجنون بعيد عنك ومشكوورة حبيبي على النصايح وإن شاء الله إني بعلمها دعاء الوسواس وربي يرزقك بصديقة تكون لك مثل توأمك تحبك بصدق وتفتح قلبها لك يا رب العالمين

الغالية أم هوبي مشكورة حبيبتي على المرور والرد وإن شاء الله أنه تعدل لأنها لو حست مع الوقت بأن الله هداه أكيد راح تحاول تتغلب على وساوسها

الغالية habibatoh مشكورة حبيبتي على المرور والرد والله إنك صادقة شي يحط العقل بالكف
بس ما نقدر نقول عنه إن إنسان منحرف لأن معروووف بين الناس بالصلاح وحتى أخوااني داااايم يمدحوون فيه ويقولون أنه ما يترك المسجد وأعمال الخير
بس تعرفين الشيطان ما مات شلوون يترك المهتدين من البشر ما يقدر
ومشكووورة على الدعاء والله إني دايم أحثها على الدعاء والقرآن بس هي تقووول والله إني أمسك القرآن والدعااااء لسااااني بس اللي يردد وأفكاري تودي وتجيب الله يلعن الشيطان لمن ينتصر على الانسان يصير صوته أقوى من صوت الحق أعوذ بالله من الشيطان الرجيم

الغالية ورد الريف مشكووورة حبيبتي على المرور والدعاااء ما قصرتي حبيبتي

يارب الله يجزاكم كل خير ويكشف عنكم كل بلاء إنكم حاولتوا تساعدووني والله يشفي صديقتي ويشفي مرضاكم ومرضى المؤمنين والمؤمنات


والله أنا عجزت أتكلم معاها والله إني أتعذب عشانها وساااعات يجي ببالي أنصحها تراااجع طبيب نفسي لعلا وعسى
بس اشلون أنصحها تراجع عيادة نفسية وأنا عندي قناعة أن اللي يرووح هالأماكن يدخل مريض ويطلع مجنون
شنو بيسووون لها غير العلاج الكيماوي ؟؟؟؟

والله ما فيه علاج للنفس غير القرب من الله شنقووول بس الله يهديها ويهدي الجمييييع

حبيباتي إذا تعرفون وحدة من معارفكم مرت في مثل هالتجربة وقدرت تتخلص من هالحالة يا ليت لا تبخلوون علي الله يعافيكم ويجزاكم الجنة

اذا يخاف ربه وملتزم ويعمل هالاشياء هذا كيف لو مايخاف ربه!!!

والمشكله ان مثل مايقولون ابو طبيع مايجوز عن طبعه...هالمره قال لها كذا عشان شاف حالتها ...مره ثانيه يتعود ولا يهمه حالتها لو مهما تصير

ومع الازواج اللي كذا مالها غير الصبر والدعاء والله يغير حالها واذا مب قادره تصبروشكها فيه ماراح يتغير وبيزيد وماكان عندها عيال افضل حل ابغض الحلال لان مستحيل العيش مع واحد يخون والنفسيه تدمر بالشك والهم على حساب تسليته بالخيانه قدامها او وراها

والله معاها

الله يخفف أزمتها ويريحها من شكوكها ويفرج عنها

مسكينة أصعب شي بين الزوجين فقدان الثقة والسعي لإعادتها من جديد
لا حول ولا قوة إلا بالله ليش مين في عندها انترنت ومرتاحة
انصحيها تروح طبيب نفسي ومو مستاهلة تحرق أعصابها من أجله وهو مبسوط ومرتاح
وتدعي ربها كثير أن يهديه ويجعل بينه وبين بقية النساء سدا منيعا
الله يفرج همها وهم خواتنا
ولا حول ولاقوة إلا بالله

كيكة أسفنجية مشكوووورة حبيبتي على المرور والرد بس أنا أحاول أهديها لأنها موناقصة وهي ما تقدر تنفصل عنه عندها أطفال وحتى ما تفكر تروح لأهلها زعلانة لانها حنونة واااااااجد على عيالها وتقووول ما أقدر أحرم عيالي من حضن أبوهم وهم طول الوقت يناظرون عيال خوالهم في أحضان أبوهم

نجمة الغرووب مشكووووورة حبيبتي على دعائك اللهم آمين والله يجعله في ميزان حسناتك

tamo مشكوورة حبيبتي على الرد كلامك صح مية بالمية ما فيه رجل يستاهل أن المرأة تخسر روحها علشانه وهو مبسوووط ومرتاح
أسعدني حضورك والله يسمع منك هالدعاء يارب العالمين

مشكورااااااااات يالغاليات الله لا يحرمنا منكم ولا من دعواتك الصادقة اللي تبغوون من وراها فقط وجه الله سبحانه وتعالى والله يعطيكم على قدر نياتكم