تشك بالدين وتوسوس تعالوا ساعدوها الله يجزاكم خير

بنات اانا بكتب لك موضوع عن صديقتي وابيكم تردون ردود مره مقنعه وتأثر عليها لانها هي تدخل المنتدى



هذي صديقتتي متزوجه مرت عليها فتره التزمت وصارت مره متشدده ماشاء الله وتخاف ربها ووايمانها قوي يعني كلامها يأثر علينا من شده ايمانها بالله وخوفها من ربي وحرصهاا انها ماترتكب اي معصيه

شوي شوي البنت صار لها فتور عن العباده

مرت فتره وقرب رمضان كانت تقول خلاص بلتزم زي قبل ابي بس ماقدرت ايمانها ضعف بشكل ماتتصورونه وكل يوم تقول بلتزم وارجع زي قبل ولانشوف شي بدتت تتهاون بالدين


البنت فيها خير وتندم على معاصيها بس تقول مدري وش فيني تغيرت

اللحين التزمت لكن تقول ماحس بالايمان اصلي ادعي اقرا قران اتجنب المعاصي لكن ايماني ضعيف
عندها شك بالدين لدرجه احيانا ودي اسطرها تجيب اسئله تقول اقنعوني

ياخوفي تصير ملحده ذا البنت اعوذ بالله

بس هي مره حزينه على حالها ومتضايقه تقول ودي احس بلذه العباده ومتعتها وتبكي تقول ليه ماصرت اخشع بالصلاه وعند الدعاء

ابي احس بوجود ربي
ابي اتلذذ بايات القران


انا اللي ريحني انها متضايقه لو هي مو متضايقه على حالتها كان اقول البنت بتروح فيها
واذكر حديث ان الصحابه كانوا يسالون الرسول اللهم صلي عليه ويجيهم شك وقال انه اذا مازلت متمسك بالدين رغم وجود الوسواس هذا صريح الايمان ماني متذكره الحديث والله



بس الحمدلله صديقتي فيها ايمان لكنه ضعيف
ودايم تقولنا اقنعوني بشي عطوني معجزه ونعطيها وتصير طبيعيه مؤمنه بعدين ترجع للشك والوسواس

وهي اللحين اكثر التزام ومحافظه بس تقول وش فايده اصلي وادعي وانا فيني شك



بنات تسأل اسأله ماندري كيف نجاوبها اخاف تأثم على اسألتها

تقول ليه فيه اديان وليه الاسلام هو الدين الحق

تقول اانا مؤمنه انه الاسلام هو الدين الصحيح والحق

بس ليه الديانات الثانيه متمسكين بدياناتهم رغم انها محرفه لهدرجه الغباء

وليه فيه ناس جاهلين مايدرون اصلا ان فيه اسلام

يعني ليه ربي مابين لهم عن الاسلام عشان يحاسبون زي المسلمين
معقوله كل العالم هذي بالنار
الا المسلمين وبعد فيه مسلمين مو محافظين على دينهم


وليه ربي يعذبنا وهو خلقنا ضعفاء

ليه فيه جنه ونار

شلون عرفنا عن الرسول من الكتب طيب وش عرفهم عن مصدرها






بنات لاتواخذونها ع الاسئله اسئلتها بس عشان تزيد ايمانها جابوا باقناع لان بحاله مايعلم فيها الا الله وترها ماهي ملحده ولاشي الا يمكن احسن مني ومنك لكن الوسواس مو مخليها ترتاح ترى اي كلام يخص الدين ومقنع راح يريحها ويزيد ايمانها
وانا ابي اساعدها وانا ماقصرت معها قلتها وجبت لها مواضيع وعن معجزات القران فاد فيها لكن ماتستمر

انتظر ردودكم
لاني بعد فتره بحذف الموضوع بس تقراه

وترى كل كلمه تكتبونها في ميزان حسناتكم ان شاء الله