اليوم عازمتكم على رز منــــــــــــــــــــــــدي بالدجاج وإن شاء يعجبكم ،،،،، والأحلى إنه بالخطوات المصوره ،،،
____________________________________________________________________________
أول شي المقادير// كميه من الأرز على حسب عدد الأشخاص
دجاج نفس الشي على حسب
بصل مقطع صغير
وملح وماجي وزيت وكذلك فلفل ،،،
الطريقه // راح أكتب لكم طريقتي اللي دايما أسويها وتحوز على رضا الجميع واليوم كان غدانا منــــــــــدي دجاج فقلت خلني أصوره وأنزلها لكم ،،،
حطيت كميه من الأرز في قدر وغسلته كويس بعدها أضفت لها ماء حار ( عشان يستوي شوي ومايأخذ وقت في الطبخ ) وهذي الصوره
بعدها نسلق الدجاج في ماء حار ونتر كها حتي تستوي زين ونحتفظ بمويه سلق الدجاج ،،،، ونأخذ قدر ونحطه على النار ونضيف له بصل مقطع ونحمسه بالزيت حتى يتغير لونه ونضيف له شويه كمون وكركم أصفر ومكعب واحد ماجي وشويه ملح ونخليه على النار إلى أن يذوب الماجي وبعدها نضيف له الماء الناتج من سلق الدجاج ونخليه على النار شوي وهذي الصوره فيه كل اللي سويته
بعدها نأخذ الصينيه ونضيف لها اللي سوينها ونضيف عليها الرز بدون ماضيف مويه الرز اللي نقعناه فيه ونضيف لها الفلفل الحار وكذلك الدارسين والليمون الأسود إّذا حبيتي ،،، وهذي هي الصوره ،، بعد ماحطيته في الصينيه وأضفت له الفلفل وووو... إلخ
بعدها نغلف الصينيه بالقصدير ونحط فيها فتحات صغيره بالسكين ,ونحط الدجاج بعد مانتبله فوق القصدير ونرجع نغلف القصدير مره ثانيه ،،، بس بدون فتحات ،،،
وهذي كمان صوره مرقه بالخضار ( صالونه )مسويتها الوالده الله يحفظها يارب
بعدها نرجع للمندي ونفك القصدير منه ولاتنسي تحمري الدجاجه من فوق يعني القدير اللي فوق الدجاجه لحد ما تتحمر بعدها نحط الدجاج مع الرز في الصينيه ونجيب فنجال أو أي شي ونحط فيه كميه من الزيت ونشعل جمره ونحطها مع الزين ونغطيه كويس عشان تدخل الريح في المندي وهذي الصور قبل ماضيف الجمره ،،
وفي الأخير هذي الصوره النهاااااااااااااااائيه لككل ماسويته وأعذروني ماعرفت اصور زين لأن ماشاء تجمعوا الأهل عليه وماقدرت أصور عدل وبالتوفيق ،،، وكمان معهم سلطه الخيار بالزبادي نزلتها بس عشان أصور كثيره أنحذفت قهر ،،
وهذي صوره أقرب للمندي وااااااااااااااااو يشهي قولوا مااااشاء ،،،
ويالله عاد نبي ردود حلوه مثلكم ياحلوين ترا تعبت مره فيه وخاصه الصوره ،،،، بس مايغلى عليكم ،،، مع تحياتي :cook::cook: