تشوفون التناقض في مجتمعنا واجد ولا اشوي؟

انا اشوفه واجد بعطيكم أمثلة:
١-تشوفون رجال يقولون العنوسة زادت ومدري ايش وكنهم محترقين على البنات والشباب والمشكلة ذول نفسهم هم احد اسبابها يعني يجي يتقدم واحد لبنتهم يقولون له لا انت راتبك ما يكفي يتقدم ثاني يقولون لا انت من قبيلة ثانية يتقدم ثالث يقولون لا انت عرق مختلف يتقدم رابع يقولون لا انت خضيري يتقدم خامس الا ويطلعون فيه عيب انزين مب انتو الي تصايحون وتقولون البنات قاعدات في البيوت! شالتناقض وياليت الرفض عشان شي عدل
او مثلا يتكلمون عن ارتفاع المهور وهم نفسهم يطالبون بمهور عالية لبناتهم وين المصداقية في كلامهم!
٢-كلنا عايشنا موضوع قيادة المراة للسيارة والصيحة واللجة الي صارت اكثر من سنة وبعدين الكل سكت واصلا الغالب من الي يسوقون محتشمات بالحجاب والنقاب
٣-كثير من الرجال يركز على فساد المراة ويغض الطرف تماما عن فساد الرجل وانحرافه، وكثير منهم يشوف اي شي بسيط تسويه المراة انه جرم كبير ليه هالازدواجية؟
٤-فيه ناس يتكلمون عن الإسراف والتبذير وفجاة طلع لهم فيديو وهم عازمين ضيوف عندهم وطلع يا كبر الصحون الي فيها المفاطيح والرز، بامكانه انه يجيب مفاطيح بس مب بالصحون الكبيرة جدا! ليه هالتناقض
٥-فيه ناس يقولون هذا الشي بدعة وما يجوز وبعدين يسوونه! على سبيل المثال ناس يقولون الاجتماع للعزاء بدعة وما يجوز وهم يروحون للعزاء واذا مات احد عندهم سووا عزاء ليه هالتناقض؟
وأمثلة واجد فيها تناقضات في مجتمعنا