تشوفون اللي صار قوي جداً؟

صباح الخير بنات
انا متزوجة من خمس سنوات
للامانة زوجي كان بداية طيب و عادي مافية اي خلافات نهائي
من بعد ماحملت بعد سنة ومصف وانا عايشة بداومة عيت تنتهي
عندي طفلين الان .. الله يحفظهم هو طيب ويحبهم و يعني معاي مقبول لكن في تصرفات تغطي على كل هذا للاسف


من ولدت بطفلي الاول ورجعت بيتي قالي اسمعي الدلع قبل انسية و من اليوم ورايح طبخ بس بلبيت! وصار يتهاوش معي اغلب الوقت و مايجلس الا مع اهله نادر مايجلس معي انا عديتها قلت بصبر ورح يتغير لكن من حملت بالثاني بدا يزيد بحركاتة


العام نفس هالوقت انا طلعت من بيتي لسبب ونا حامل وطفلي سنه ونص كان يصحيني من نومي ويخرعني قومي نظفي ورتبي واطبخي وصلحي قهوة بيجيي ضيوف واذا سويت ذا كله قالي محد بيجي بس ابغاك تتحركين وكررها كثير اخر سبب قالي قومي غسلي المرتبة حقة السرير ونتي وسخة و و و و وتهاوشنا وقلت جيب شغالة قال ليش شغالة! قلت بقولها تغسل المرتبة بشوف وش تقول ونا عارفة انها ماتنغسل اصلن و الشغالة من تزوجت حتى ام ساعة رافضها وحارمها علي.
كلمت امه وارسلت شغالتها نظفت البيت وقلت غسلي المرتبة قالت مدام مافي بغسل شلون؟ قلت شفت


المهم م كفاه تهاوشنا اليوم الثاني وقالي انقلعي لاهلك وشدت بينا ورحت لاهلي جلست حول شهر ونص ورجعت بيتي


الفترة اللي بعد ولادتي كانت مشاكل تقهر وغصب انا اقلد سلفتي بحركاتها وانو انحشت ل اهلي مثلها واقلدها بمشاكل والبنت تطلقت اصلن بس كليوم يقولي انتي تبغين زيها وتسوين مثلها وتشبهينها
من ولادتي الا الان طفلي الثاني عشر شهور بمشاكل وقلة ادب ونتي وسخة وبيتك وسخ و ماتغسلين ملابسي وتكوينها زي الحريم المشكلة اغسل واكوي وابخر بس بعدين شلت يدي من السب المتكرر


اذا طبخت يعيب كثير لدرجة معد اقدر اكل معاه بصحن واحد حرفياً كل يوم اناظر وجهه وهو ياكل انتظر النقد واذا ماتقبلت وقلت صح عليك قوم الدنيا وقعدها وكثير ايام يكب الاكل لانه م اعجبة
كرهت الاكل وكرهت التفنن وكرهت اطبخ من خاطري بعد.


المشكلة الاخيرة لكم ان تتخيلو
بليل كنا في نقاش حاد المهم قال بنطلع قلت اوك يمكن نغير جو
بالسيارة قال بنروح حديقة قلت لا برد على الصغار نبي سوق قال طيب ومشينا الا وقف عند حديقة قلت ليش نكذب علي قولي حديقة ومن اول ماطلع اصلن لان العيال تعبانين و تراب وكذة ومافضلها الا مرة بالاسبوع كذة
قال طيب مو لك الطلعة اصلن
ونزلت عيالي وحطيت ولدي عند الالعاب ورحت باخذ قهوة قال ممنوع تتحركين قلت ليش قال ماتبين حديقة لاتحركين قلت م ابيها ليش جبتني وقلت ماعلي فيك بمشي واروح اشتري اللي ابي ويقوم يشيل ولده ويطلع ويطلعنا ويهاوش وينافخ
المهم سكت وعدت الليلة ع خير
ثاني يوم تعرفون عندي طفل صغير ورضيع نمت قريب الفجر و٦ صحاني ولدي ورضعته ونمت شوي بعد ساعه الا يسحب البطانية علية ع فجاءة ويصارخ قومي قومي قلت اش فية قالي قومي عندي ماتنامين قومي صلحي قهوتي وغداء جهزية
قلت والله م اقوم خرعتني ليش تنافخ كذة وقعدت ارتجف لاني صحيت مرتاعة واحاول انسدح ويرجع بكررها ويسحبني ويقولي انقلعي الغرفة بفلوسي ومادري ايش علماً ان عيالي حولي الاثنين
فقلت والله م اسري حاجة وهذا اسلوبك الطلب باحترام مو كذة
وقام بهاوش ويرجع يسب بيتك وسخ بصور فديو وارسله ل امي تفضحك في الحريم قلت تمام سو الي تبيه المهم نزل ل اهلة ورجعت انام جمب عيالي شوي بس غفيت الا طع صوت العطر حذفه فوق راسي وقمت مفجوعة للمرة الثانية واشيل عيالي وانفظهم من القزاز واتحسب عليه وصحيو اصلن وغيرت ملابسهم وغسلت لهم وبعدين تهارشنا وعصبت وكلمت اخوي وطلعت


اش رايكم باللي صار فوق هذا قال هي غلطانة علي تسبني وتشتمني؟
ومقصرة بحقوقي
ومو اول مرة يصحيني برعب كثير ايام بصيف يطفي المكيف ومرات كهرب عشان اصحى من نومي ونا اصلن انام الفجر والظهر صاحية


ونومي اصلن خلقة مقطع من الصغار




انا كرهته وماعاد افكر ارجع له لا استقرار ولا راحة بنوم ولا راحة بحاحة وكل م بغيت شيء قال لا وماعندي وادفعي من عندك
ويسب ٢٤ في شكلي حطمني وقهرني وكل حاجة


بس تحسون السالفة تستاهل هو اذا رضا هجد بس هالمشكلة تتكرر باستمرار وانا فقدت راحتي وصبري وابي اكون هادية عشان عيالي


ولو كان في امل اغير رايي فهو عشان عيالي بس انا كرهته مابينا اي مودة ولا احترام ولا رحمة .