تشوفون اللي قاعده اسويه صح او غلط 😔

السلام عليكم بنات راح اعرض لكم مشكلتي باختصار 😢 وياريت اللي ماعندها كلام محترم لاترد
اختي الكبيره قبل تسع شهور اصابها الله يكافيكم الشر سرطان 💔 وللاسف اختي مناعتها ضعيفه وماقدرت تتحمل العلاج الا 3شهور وتوفت الله يرحمها ويسكنها فسيح جناته اختي كانت متزوجه وعندها بنتين وحده 7سنوات والثانيه سنتين
من فترة مرض اختي وبناتها عندنا مع اني كنت ادرس جامعه واعتني فيهم مع ضغط اختباراتي ماكنت انام لان بناتها يحبوني ويرتاحون لي ف بعد وفاة اختي بشهرين اتقدم لي زوجها وقال انه ماراح يأمن بناته لاحد غيري ماهو واثق بالحريم ومن هالكلام
المهم اخذت فتره وبعدها وافقت مع اني من داخلي مابيه وميته حزن والم فضيييع لكن افكر ببنات اختي .. ونسيت حتى نفسي
وتم عقد قراننا ورفضت انه يسوي عرس وخرابيط بس عقدنا ورحت معاه لبيته والبنات معاي ومن اول ليله انا بغرفه وهو بغرفه لاني انا قلت له انا جايه عشان بنات اختي فقط لاغير وهو كان ساكت
مستوعبين بنات انا دايم متستره عنه ومالبس عنده الا قمصان وسيعه واشين نفسي عمد مابيه يطالع فيني احسه اخوي لكن مو مقصره بأكله اطبخ له وواغسل ملابسه وهالامور وبس بنات عمري ماتكلمت معه ع اساس انه زوج ابدا ابدا ابدا ولين هاليوم هو مالمس شعره مني (بسببي طبعا)
وهالايام صار يقولي انتي ليه محرمتني منك وهالكلام بس اسمع وامشي ولا ارد والله واكثر من مره قلت له تبي زوجه لك تزوج وعيش حياتك ورافض هو ولا ادري ليه
ولما يشوفني كاشخه لصديقاتي اولاهلي يقعد يمدح بشكلي (مع اني اتضايق اذا شافني كاشخه او حاطه مكياج) وانا والله اتجاهل ...
لا تلوموني والله يابنات موقفي صععب جدا صعب اختي ماتروح من بالي واحس اني قاعده اخونها شعور ماتمنى حتى الكافر يعيشه وكل يوم قرايبي يسألوني ليه ماحملتي وكلام يسم البدن لكن اطنشهم 😔 (وهو ماقال لاهله عن شي ابد) (وعشان ماظلمه هو انسان طيب وكريم لاكن السبه انا ) والله ضميري يوجعني احيانا الله يشهد علي 😢 قولولي انصحوني وهل تشوفون اني انا غلطانه؟يمكن كلامكم يأثر فيني بعتبركم اخواتي الكبار بدون تجريح حطي نفسك مكاني قبل تردين واسفه عالاطاله.