ان شاءالله تكونوا بخير وصحة وعافية ^^
بداية احب اقول لكم اني ماحطيت كابتشينو
لأن اللي عندي مايحب الكاباتشينو
المهم نبدأ بالمقادير والخطوات
بالخلاط ( كوب حليب بودرة محموس + 4 بيضات + نص كوب سكر او على حسب رغبتك + نص كوب زيت + ملعقة كبيرة باكنج باودر + ملعقة صغيرة كابتشينو)
تخلطينهم زيــن ثم تصبينهم بصينية بايركس مدهونة بزيت وتدخلينه الفرن على نار هادئة
من تحت لحد ماينضج ثم من فوق عشات تتحمر خفيف
تقريبا نص ساعة ثم نخرجها
و نصب عليها خليط ( 8 جبن كيري + فنجال حليب سائل + فنجال سكر أو على حسب رغبتك + ملعقتين صغار حليب بودرة ) وندخله بسرعة للفرن علشان يتمااسك
بهذي الاثناء نحضر قدر و نحط فيه( كوبين حليب سائل
+ ظرف كريم كراميل + ملعقتين
صغار كااكاو بودرة و ملعقة صغيرة كابتشينو )
وعلى النااار نحركهم لحد مايغلي
ثم نحطهم على الصينية السابقة بهدووووووء
يعني تتركينهم يبردوا ولما يبرد الخليط نصبه على الصينية
وبالثلاجة لحين التقديم..
وتزين بجلكسي مبشور . او فليك . او جوز هند
او اي شيء تحبينه
اليكم الصووور.واعذروني على رداءة التصوير
من الجوااااال و الحوووسة لأني مستعجلة بس قطعتها للتصووير..
وهنا شوفوا كيف الطبقااات يمي يمي
ملاحظة : الحلو في هالطبق انك تقدرين تعمليه مع القهوة .. وتقدرين تخلينه حلى باارد مع العشاء