هذا سلمكم الله شيز كيك كلمة لذيذ شويه عليه
وبما انا في هذا الشهر الفضيل حبيت اهديكم واهدي منتدى عالم حواء هذا الشيز كيك
وهذي الصور قدامكم تفرجوا وادعولي
وصراحه ماادري وش اسمه بس انا سميته تشيز كاكاو هيرشي مع بعض التعديل واستبدال بعض المواد لعدم توفرها :
الصوره الثانيه مابرد كثير يعني نصف ساعه تقريبا
هذي الصوره الثالثه بارده يعني اليوم الثاني صارت كذا
وهذي من زاويه اخرى
بكذا انتهينا من عرض الصور وندخل في التفاصيل الله يعيني على الكتابه بس علشانكم نتحمل مثل مااستفدنا منكم نحب نفيدكم :
المقادير :
الطبقه الأولى :
1/ كاس ونص بسكوت مطحون اي نوع تفضلين
2/ 5 م ك زبده
3/ 2 م ك سكر بودر انا ماحطيت احس مايحتاج بس حبيت انقل المقادير كما هي
تخلط وتوضع في صينيه قاعده متحركه ويرفع البسكويت من الجوانب كما هو واضح في الصور ثم يدخل الفرن من تحت 8 د .
الطبقه الثانية:
1/2 علبة جبن فلاديفيا
2/ كاس سكر
3/ 1 م فانلا
4/ 3بيضات
5/ 3علب سور كريم صراحه ماحصلته واستبدلته بقشطة قيمر وتطلع الطعم يجنن لايقاوم
ثلث كاس حبيبات هيرشي بطعم الدارسين انا حطيت النكهه العاديه
يخلط الجميع في خلاط الكيك ماعدا الحبيبات
ثم يسكب نصف الخليط على البسكويت وتنثر عليه حبات الهيرشي ثم النصف المتبقي وتدخل الفرن من تحت فقط لمدة 45 دقيقه ثم تخرج وتترك تبرد في حراره المطبخ
الطبقه الثالثه:
ثلث حبات هيرشي مع 1 م زبده يذوب ويوضع على الوجه على شكل خطوط بس انا حبيت اغطي الوجه تماما
(الستر زين)ههه دعابه
ونثرت عليها جوز مهشم ايضا اضافه من عندي
بكذا انتهينا:cook: بس ترا ها في الكتابه شكلها طويله ومتعبه وعند التنفيذ سهله وماتاخذ وقت :time:
واللي تجربها وتعجبها لاتنسانا من العاء خاصه في هذا الشهر المبارك
والسلام عليكم ورحمة الله وبركاته