تشيز كيك من الحلويات الي بحبها كتير وطريقتها معتمدة عندي من سنوات كتيرة من ايام ما كنت في المدرسة
شكلها كتير حلو وطعمها احلى بكتير بكتير وبشهادة الجميع ما في اطيب منها والكل بسالني عن طريقتها وطريقتها سهلة كتييييييير
بسم الله توكلنا على الله نبدأ
المقادير
باكيت بسكويت دايجستف
اصبع زبدة
باكيتين جيلي ليمون اخضر بقري (حيواني )
باكيت كريمة
جبنة كيري ( بتقدري تحطي من 6 قطع ل 12 قطعة ) وانتي ممكن تكتري بس ما تقللي لانو الجبنة بتعطيها الدسامة والطعم
الطريقة
نطحن بسكويت الدايجستف اما باليد او بالمطحنة وبنحطها بالصينية الي بتنفتح من الجوانب وبندوب الزبدة على نار هادية وبنحطها فوق البسكويت وبفركهم مع بعض منيح وبرصهم في الصينية وبحط الصينية بالتلاجة حتى اخلص الطبقة التانية ( خليكم مع الصور للطبقة الاولى )
وبهيك بتكون الطبقة الاولى جاهزة وزي ما حكيتلكم بنحطها بالتلاجة حتى اخلص الطبقة التانية عشان تتماسك البسكويت مع الزبدة
الله يسعدكم ويهدي بالكم يا رب ما تردو حتى اكمل التشز كيك
اول شي بنعمل الكريمة زي ما مكتوب عليها وبنحضرها وبنخلطها منيح كتير حتى تكثف
وبعدين بضيف الجبنة للكريمة المخفوقة وبخلطهم مع بعض كتير منيح ( انا استخدمت 9 قطع جبنة زي ما انتو شايفين)
هلأ بحضر الجيلي وعندي باكيتين جيلي ليمون اخضر حيواني ومش نباتي لانو النباتي ما بجمد ديرو بالكم
وكل باكيت جيلي بدوبو في كوب مي يعني الباكيتين بدوبهم في كوبين مي والكوبين واحد بارد والتاني دافي وبحركهم منيح وبعدين بحطهم على خليط الكريمة والجبنة وبحركهم منيح كتير وبهيك بكون جهزت الطبقة التانية ( بخليكم مع الصور )
وهلأ بعد ما خلطت الطبقة التانية بديرها على خليط البسكويت وبحطها بالتلاجة وديرو بالكم تحطوها بالفريزر لازم بالتلاجة وبتحطوها 8 ساعات عالاقل وبعدين بتصير جاهزة للتزيين والتقديم
الله يخليكم حبيباتي لا تردو حتى اكملها