كنت ادور بالنت على حلا حلو وغريب وقعت عيني على هذا التشيز ومره اعجبني وقلت اسويه للحريم اذا جونا المهم سويته وماشاء الله تبارك الله سالوني عنه واعجبهم مره
ماطول عليكم بالبداية باخليكم مع التشويق
نسيت اصوره لكم بالخطوات
اذكروا اللــه ,,
حمستكم صح يلا نبدا المقادير والطريقة
طبعا هي عبارة عن ثلاث طبقات
ط1 _ بسكويت مطحون مع اصبع الا ربع زبدة مع ملعقة كاكاو بودرة اعجنيها مع بعض وصفيها بالصينية كطبقة اولى
ط2 _ 2علبة زبادي مع 8فنجايل قهوة حليب بودرة مع ثلاث ارباع كاس سكر مع ملعقة صغيرة فانيلا حركيها مع بعض وصبيها فوق الطبقة الاولى وحطي حبات بسكوت الاوريو فوقها ودخليها الفرن لين تتماسك مو تحمر لا تتماسك بس
ط3_ ظرف كريمة كراميل مع ملعقة نسكافية مع كاس مويه حركيه ع النار لين يغلي طفي عليه
وصبي على الصينية وهو دافي وادخليه الثلاجة يبرد وبالهنا والعافية
اللي تسويه لاتنسى تدعيلي بالله
