ماشاء الله
اليوم طبقت حلاوة التشيز كيك بالكريم كرامل شي خيالي شي رهيب حته حماتي ماصدقت ان ممكن هالطعم يصير فالبيت على بالها جاهز
والله جربوها وماتندمووون على ضمانتي لمدة 10 سنين وكالة افا عليكم.. وهاذي صورتها
الطريقة على طول:
الطبقة 1: كيك سرالي او امريكانا او السنبلة على فانيلا (افضل سارالي موجود في البحرين ماعرف اذا في خارج البحرين طعمه زبـــــــدة روووعه) وهاذي صورته.. طبعا نرصه في الصحن ونرعص شوي عليه علشان تنسد كل الفتحات
الطبقة2: 24 جبن كيري+ قشطة (انا استخدمت القيمر الكويتي الكبير)+ كأس حليب سائل+كيس جيلاتين مذوب في ماء حار+ثلاثة ارباع كأس سكر.. نحطهم في الخلاط ثم فوق الكيك ثم في الثلاجة حتى يتماسك
الطبقة3: كيس كريم كرامل+ كأس حليب سائل+ قشطة( استخدمت الحجم العادي نستلة).. نحطه على النار ونخليه يبرد ثم نصبه على الطبقة الي قبلها ثم في الثلاجة حتى يتماسك
الطبقة4: توفي يتكون من( سكر+ قشطة) انا ماضبط القيمر معاي خرب لي شكل الحلاوة فقمت وسويت من جديد سكر مع كريمة خفق من بدل القشطة وصار فوق التمام
حته تلاحظون في الصورة ان الطبقة الفوقية سائلة اهي المفروض تكون متماسكة اكثر بس الحمدلله يوم ساحت الطبقة الفوقية صارت مغرية اكثر وصار الصراع عليها.. شدعوة الصراع على الرمال
واتمنى اطبقونها وتقولون لي فعلا مابتندمون
