اليوم وانا في غمره المذاكره <<تعلمكم انها شاطره وتذاكر .. جتني امي قالتلي سوي التشيز كيك هذاك الي سويتيه الاسبوع الي فات لما كان عندي حريم
عشاني بروح عند جارتنا ..عندها حريم..ولا ماامداها ياعمري تسوي حلى ..قلت ابشررري
وبالمره صورت لكم اياه .. ..عاد للامانه :الطريقه اخذتها من وحده من البنات ..الله يجزاها خير ويعطيها العافيه ..
المقادير والطريقه :
الطبقه الاولى :
علبه بسكوت دايجستف مطحون
اصبع زبده
ملعقتين حليب بوني
نخلطهم مع بعض ونكبسهم في قاع صينيه التشيز كيك
وندخلهم الفرن 10 دقايق بس عشان تتماسك
الطبقه الثانيه :
نحط بالخلاط المقادير التاليه:
علبه ام 24 حبه كيري
علبه قشطه
ثلاث ارباع كوب سكر
كوب حليب
مظروف جيلاتين
نغلي الحليب عالنار بعدين نذوب فيه الجيلاتين
ونخلطه بالخلاط مع بقيه المقادير
ثم نصبه عالبسكوت وندخله الثلاجه
بعد ساعه
الطبقه الثالثه :
كوب حليب
مظروف كريم كراميل
ملعقه كبيره نسكافيه
نخلطه مع بعض عالنار بعدين نرفعه ونصبه بالملعقه على وجه الصينيه
حـ يتبع
الطبقه الرابعه:
نعمل توفي
كاسه شاهي سكر
علبه قشطه
التوفي الله يهدييني رحت ارد عالتليفون وماوعيت الا الدخاخين طالعه ..معليش المفروض يطلع لونه فاتح ..بس استرو ماواجهتوا
المهم نصب التوفي على طبقه الكريم كراميل برضو بالملعقه ..وعادي لو امتزجت فيها شوي .
نخليها تتماسك شوي بالثلاجه بعدين نزينها ..انا زينتها بصوص هيرشيز وجالكسي مبشوره وكرات مالتيزرز
رجعيها بالثلاجـه الين ماتقدمينها
وبالعافيه عليكم :26:
توها امي راجعه من الجيران تقول انها عجبتهم :)