تشيز كيك بارد >>>> بدون فرن

هذي طريقة تشيز كيك اخذتها من التلفزيون واحلى مافيها انها ماتحتاج فرن ... يعني ما تتورطين اذا احترق .. بس يبيله وقت بالثلاجه
1\باكيت بسكوت شاي - نص كاس زبدة مرغرين
تطحنين البسكوت وتعجنينه مع الزبده وترصينه بصينيه ذات قاعده متحركه وتحطينه بالفريزر ربع ساعه عشان يتماسك
2\ باكيت جلي ليمون او اناناس تذوبينه في كاس ماء وتغلينه على النار وتحطينه على جنب عشان يبرد
3\ تحطين بالخلاط ( كاس كريمة خفق - نص كاس سكر - علبه صغيره جبنة فيلادلفيا ) تخلطينه لين يتمازج بعدين تصبين عليه الجلي وتخلطين لين يصير الخليط اصفر وسايل
تصبينه على البسكوت وتخلينه بالثلاجه لين يتماسك بعدين تزينينه بالباي فيلينج وتخلين بالثلاجه لحين التقديم
يفضل انك قبل التقديم ماتخلينه برا لأنه بيذوب بسرعه خصوصا بالصيف

اتمنى تجربونها وتعطوني النتيجه