صباحكم فراوله......
شخباركن حوائيات اليوم انا ضيفه من القسم العام
مبطيه عنكم من اول ماصارت الاحداث السياسيه
وانا مسنتره بالقسم العام .....الله يستر على المسلمين
عاد قلت اباخذ فترة راحه وبنزلكم حلى سويته امس
ووالله اني تايبه انزل موضوع :( مير تستاهلن:icon28:
صراحه قهر ارتب واتعب بتنزيل الصور ومايقعد بالصفحه
الاولى الا ساعه ومن يدقرش ورا ورا .....
بس يالله تستاهلن خواتي والله ...عاد لا تقصرن بالردود
كوده يرتز بالصفحه الاولى لو يوم :angry2: وترى لا شفتكن
رادات عندي لكن حليات كثيرات.
وابشرن بالخير .... ولا ترى ماهنا شي ثاني بكيفكن
الحين ابكتبلكن المقادير والطريقه باينه بالصور
واللي تبي تسأل عن شي لا يهمه ماغير تسدحه
وانا معكن حبه حبه ..
المقادير:
الطبقه الاولى
اي نوع من البسكويت تطحنينه وتخلطينه مع الزبده
ماقدر احدد المقدار ....
حسب الكميه اللي انتي بتسوينه..
الطبقه الثانيه
6 ملاعق جبن كاسات او جبن عادي مافي مشاكل
علبه قشطه
علبه حليب نستله محلى ومركز او اي نوع ثاني (الكبيره)
ملعقه كبيره جيلاتين مذاب في ربع كوب ماء
بعد مانخلطهن بالخلاط نضيفهن لطبقه البسكويت
وندخلهن شوي للثلاجه على بال ماتخلصين من اطبقه الثالثه
الطبقه الثالثه
علبه قشطه
2 ظرف دريم ويب
ا علبه حليب عادي (مثل ابو قوس او غيره)
1 علبه جلي فراوله
1 كوب ماء بارد
اكوب ماء ساخن
نضع كوب الماء الحار بقدر على النار ونضيف له الجلي
واذا صار يغلي نسكر النار ونضيف له الماء البارد
ونضعه بالخلاط مع باقي المقادير ونخليهم شوي يبردن
وبعد ين نضيفه للطبقه الثانيه نرجعهم للثلاجه لحد ماتبرد
وتتماسك
وقبل مانقدمها نزينها بالباي فلينق والفراوله
والله على المذاق ينسيتس التعب والكرف
عوافي على قلوبكم وبطونكم والله يديم النعم
(اللهم ما أصبح بي من نعمه او بأحد من خلقك فمنك وحدك
لا شريك لك فلك الحمد ولك الشكر)
المقادير كثيره وتبيله قعده بالمطبخ بس النتيجه مذهله ومرضيه
وتشرف قدام الضيوف .....
استودعكن الله الذي لا تضيع ودائعه..
حياكن الله هذذي للضيفات الحلوات ..
