نبدأ
اسفه التصوير مو واضح
المقادير :
علبة فراوله طازجه
علبة مربى بالفراوله
علبة زبادي
علبة جيلي فراوله
7 فناجين حليب بودره
3 فناجين سكر
بسكوت شاهي مطحون
واصبع زبده
وقشطه
.....................
الطريقه :
ولا اسهل من كذا
الخطوه الاولى
نعجن البسكوت المطحون مع زبده ثم نضيف له ملعقتين قشطه عشان يتماسك (انا استخدمت علبه كبيره بسكوت شاهي )
نرصه بصينية التشيز كيك
الخطوه الثانيه
ثم نخلط بالخلاط الكاس علبة الزبادي مع السكر والحليب البودره
وبعد ماينخلطون كويس نصبهم على البسكويت بالصينيه
بعدين ندخله الفرن الين مايتماسك مايبيله الا 10 دقايق تقريبا
الخطوه الثالثه
نجلي للمربى نحط الكميه الي نبيها تقريبا نص العلبه الصغيره
ونحطها بقلايه ونسيحها على النار شوي عشان يمدي نصبها على التشيز
على نار هاديه طبعا ولا نخليها تطول بس يسيح المربى شوي
وبعدين نصبه على التشيز
الخطوه الرابعه
ونجيب الفراوله ونقصصها انصاف او شرائح حسب الرغبه
ونزين فيها الوجه ونتركه لين يبرد شوي وبعدين ندخله الثلاجه
الخطوه الاخيره
بعد مايبرد نخلط الجلو الفراوله
ونتركه يبرد ولين يبرد نصب منه شوي على الوجه
طبقه خفيفه عشان يعطي لمعان وطعم للتشيز
وبعدين ندخله الثلاجه لين يبرد
وبعد مايتماسك الجلو نقدر ناكله :39:
الصوره من قريب واضح انه متماسك ومضبوط
وصحتين وعافيه على قلوبكم
:27:
طبعا في طريقه اسهل بس انا حابه هالطريقه لان طعمها غير
ممكن تتسون نفس الطريقه
وتحطون على الوجه بدال المربى والجلو
المربى الخاص بالتشيزكيك :27:
شغل نظيف ومرتب
شهيتيني على آخر الليل