خواتي الحبيبات بعد تشجيعكم لي في موضوعي اللي في توقيعي ..
و لعلمي بأنكم تحبو الشي السهل و اللذيذ في نفس الوقت ، حبيت أعطيكم هـ الوصفه لـ التشيز كيك و مثل ما في العنوان ، بدون بسكوت و لا بيض و لا جيلاتين و نتيجته مضمونه 100% و رح يعجبكم ان شاء الله تعالى..
المقادير :
سويسرول بالفراوله (أو أي نكهه) و كميته حسب صينيتك..
علبة جبن فيلادلفيا أو بديله تقريبا 200 غرام
ظرف دريم ويب..
ملعقه الى ملعقتين كبار اذا تحبيه حالي شوي سكر..
علبتين قشطه (أو قيمر) و ممكن تكتفي بـ علبه وحده إذا ما تحبي الطبقه تكون سميكه (أنا استخدمت علبه وحده)..
مغلف جيلي بالفراوله..
الطريقة: قطعي السويسرول بسمك 1 و نص سنتيمر تقريباً و رصيه في الصينيه و املي الفراغات تماماً مثل الصوره..
اخلطي باقي المكونات ما عدا الجيلي بـ مضرب الكيك
و صبيها على طبقة السويسرول و اضربي الصينيه بـ خفه بحيث تتغلغل في السويسرول و ضعيه في الثلاجه أو الفريزر إذا كنتي مستعجله بحيث الطبقه تبرد تماما و تتماسك بس ما تتجمد..
حضري الجيلي بالطريقه المعتاده و قللي الماء بـ مقدار فنجان قهوه علشان الطبقه تجي جامده شوي ، و اتركيه يبرد شوي بس ما يجمد ، و بمساعدة ملعقه كبيره صبيه بالتساوي و بهداوه فوق طبقة الكريمه و رجعيه في الثلاجه الى أن تجمد الطبقه تماما..
و هذي صورته من جنب
بس للأسف ما لحقت اصوره بعد التقطيع ، الصراحه طعمه رااااااااائع..
و هو الحلى المفضل عند أولادي و طبقة الكريمه رح تكون متماسكه و ما رح تسيح ان شا الله..
ملحوظه : ممكن تضيفي على الكريمه فراوله شرايح أو كرز قبل ما تصبي الجيلي بس أولادي ما يحبو قطع الفواكه في الحلى..
و ممكن كمان تعمليه في أكواب أو صحون صغيره إذا عندك عزومــــــه..
أتمنى وصفتي عجبتكم ، و أسأل الله الكريم رب العرش العظيم لي و لكم الهداية و سعة الرزق و صلاح النيه و الذريه و للعازبات الزواج بالصالحين و للمتأخرات الذريه الصالحه الفالحه..
دعواتكم لي و لـذريتي و لكم بالمثــــــــــل..
