تشيز كيك بقطع البسكوت

السلام عليكم ورحمة الله وبركاته

عندي لكم تشيز كيك سهلل جدا وخفيف وان شاء الله يعجبكم

المتطلبات :

بسكوت ماري او في بسكوت الي بالكويت اسمه بيبي بور

4 اظرف دريم ويب ممكن 2 اظرف ابيض و2 كاكاو او اربعتهم نوع واحد حسب رغبتكم

2 قشطة ( قيمر)

2 كريم كارميل

تقريبا 3 أرباع وشوي علبة القشطة نمليها ماي

علبة شرائح أناناس مقطع ( اختياري )

الطريقة :

نخلط المقادير السابقة مع بعض ما عدا البسكوت تقريبا لمدة 10 دقايق تصير كريمة اذا كنتي جايبة ظرفين ابيض وظرفين كاكاو تخلطين كل ظرفين بحدى مع علبة قشطة وواحد كريم كارميل ونص علبة القشطة ماي هذا طبعا يصير التشيز الكيك بلونين ونكهتين الابيض والكاكاو

وبعد الخلط ناتي بالبايركس ونرص فيه البسكوت من غير ما نكسره يعني مثل ما هو قطع ونضع عليه حليب او ماي يعني نشربه عشان يلين ونضع شوي نص الخليط بعدين نخليه شوي بالفريزر لمدة ربع ساعة او اكثر ونرد نرص فيه البسكوت ونرش عليه ونشربه بماي او حليب حتى يلين ونضع بقية الخليط ونزينه من فوق بكاكاو مبشور

اذا استخدمتي شرائح الاناناس بعد ما تخلصين من الخليط الابيض تصفين الاناناس من الماي ماله وتخلطين الشرائح حسب الكمية الي انتي تبينها مع الخليط وبعدين تحطينه عادي علىالبسكوت الخليط وترصين الطبقة الثانية الي هي خليط الكاكاو

ملاحظة:
طبقات البسكوت ممكن تسوين 3 طبقات اذا تبين يعني حسب رغبتكم يعني انتم تتحكمون بكمية الخليط الي بين كل طبقة بسكوت وبسكوت لانه في ناس يحبون طبقا البسكوت اكثر من الكريمه وفي ناس العكس هني كل شي متاح لج حسب رغبتج ورغبة من راح ياكل معاج :23:

هذا وبالهناء والشفاء

دمتم سالمين

أخت لكم في الله