تشيز كيك جونان خفيف وصحي وبمكعبين كيري بس!واكييييد بالصور

هلا حبيباتي
وشلونكم يرب ايامكم كلها حلى ووناسة
اليوم بعطيكم طريقتي بتشيز كيك وبلمستي الخاصة اكيد مرت عليكم لان وحدة من البنات يعطيها العافيه
كتبت الطريقة باسم تشيز كيك ام الفزعات بالزبادي
وكل الاهل وصديقاتي يحبونه ويصلح حلى قهوة او عصير او سفرة
ماراح اطول الهرج:27:
نبدا بالمقادير والطريقة سوا

IMG_1254
1-اول شي نجهز الصينه المتحركة ونقصدرها وندهنها بخفة بالزيت عن طريق الفرشاه
ممكن تستخدمي بايركس
بس اشوف الصينية ارتب بالتقطيع

2- اطحني البسكوت وذوبي الزبدة ما احبذ استخدم اصبع كامل يعني نص او 3/4
صبيها على البسكوت وحاولي تفركي البسكوت بها لما تحسي انه تشبع فيها
طبعا راح يصير مفتت مثل الرمل الله يعز النعمه
بعدها صبي حوالي ملعقتي حليب او قشطة من باقي الفطور مثلا
وحاولي تفردينه على الصينيه وبيصير معك زي السيرلاك
-سوري بنات على اوصافي بس احاول اوصل لكم الفكرة-
في ناس يحطون الصينية بالفريزر بس انا لا
ما احسها خطوة مهمة
IMG_1255
3-نجهز الطبقة الثانيه
بالخلاط نحط بيضتين -فنجانين سكر-علبه زبادي كبيرة- كاستين ونص حليب بودرة منخول (مقياس الكاس 200 مل)-
مكعبين كيري او ميرا-فانيليا ونخلط
ثم نصبه على الطبقه الاولى
وندخله لفرن ومولعينه مسبقا
ونتركه على نار هااااااااااادية
ممكن تاخذ نص ساعه الا ساعه الا ربع وممكن اقل على حسب فرنك
انتبهو لا تحترق
نتختبر استوائها بعود اسنان زي الكيك
وممكن نحمرها من فوق شوي
IMG_1256
ونخليها تبرد على جنب
ونصف فوقها شرايح اناناس مقطوعه انصاص او اي نوع فاكهة

4-نحضر الطبقة الاخيرة
بالقدر
نحط
كاس ونص موية
وظرفين كريم كرميل
ممكن تضيفي فنجان فمتو اذا تبين اللون احمر
حركيها بس تغلى شوي نزليها وصبيها على التشيز
طبعا لازم نكون حاطيها فوق طفريه علشان لا يترسب الكراميل من تحت وتصير عندك حفلة
بنات لازم هالخطوة اخر شئ بعدما تخلصين كل شئ لان الكراميل يتجمد بسررررررررعه

IMG_1287
وخليها تبرد شوي يعني لربع ساعه
وغلفيها بالنايلون من فوق
ودخليها بشويش بكيس كبير مع الطفريه اللي تحتها علشان تضمني ما تتحرك وبنفس الوقت ما تمسك ريحة الثلاجة
نتركها بالثلاجه اقل شئ 5 ساعات
والافضل يوم كامل
معليش حبايبي مقدرت اقطعها بالبيت لاني سويتها يوم زرت صديقتي
وهذي قطعةلاول وحدة ترد

Image1824
وهنا بدون الفمتو وبفواكه فرش صلحتها لما زرت الاميرة
كرز بالوسط وكيوي واناناس داير ما دار
حبتها كثير بالعافيه عليها
Image1736
وان شاء الله تعجبكم:cook:
الله يرضى عليكم دنيا واخرة ادعوا لي يا حبايبي
بالزرق الحلال وبتفريج همومي عاجلا غير اجل
ويحفظ لي زوجي من كل مكروه
ويكفينا شر خلقه
اللي تبي تنقل حلالها بس تذكر اسمي واسم المنتدى وتدعي لي بالخير