كيفكم يا حلوات:icon35:
هاي طريقة لتشيز كيك أنا أعتمدها من سنين لأنها كتير سهلة و ما بده وقت و فرن و الأهم من هيك أنها كتيييير زاكية
المقادير:
1 - مقادير القاعدة: 2 باكيت بسكوت أولكر سادة تبع الشاي ، 2/1 1 أصبع زبدة ، 2 ملعقة كبيرة قشطة
2 - مقادير الكريما : 12 حبة كيري ، 2 علبة قشطة ناقص منهم 2 ملعقة اللي بدنا نستخدمهم للقاعدة ، 2 مغلف جيلو نكهة الليمون الأخضر ، 2/1 كوب ماء ساخن.
3 - للوجه نستخدم الباي فيلنج على بلوباري (التوت الأزرق)
الطريقة:
لعمل القاعدة:
1 - نطحن البسكوت ناعم و نضعه في مقلاة على النار مع مقدار الزبدة مع التحريك المستمر حتى يتحمر البسكوت و تطلع منه ريحة بتجنن.
2 - بعدين بنضيف على البسكوت بعد ما يتحمر 2 ملعقة كبيرة قشطة و بنحركهم مزبوط
3 -بنجيب صينية كب كيك و بنوزع ورق الكب كيك في الفتحات و بعدين بنوزع البسكوت على القاع و الحواف طبعا الكمية بتكفي 12 قطعة و أنتي حرة ممكن تستخدمي قالب التشيز كيك بعد مانوزع البسكوت بنحط القالب في الفريزر في الوقت اللي بنعمل فيه الحشوة
لعمل خليط الجبن :
في خلاط الكأس نضع الماء الساخن ثم الجيلو و نشغله حتى يذوب الجيلو
و بعدين بنضيف باقي المقادير و نخلطهم بالخلاط حتى يتجانسو و نوزع الخليط فوق البسكوت
ثم نضعه بالفريزر أقل شي ساعتين أو حتى يجمد و بعدين حطيه في الثلاجة لو حبيتي
و أخيرا قبل التقديم بنوزع البلوباري على الوجه
في بالصحن قطعة كيك الشوكولا نزلته قبل هالمرة بس بدون صورة
جربوها و قولولي شو رأيكم و صحتين مقدما
ادعولي بالذرية الصالحة عاجلا و ليس آجلا
ما تنسوني من صالح دعاوكم
والله يرزقك بالذرية الصالحة