هذي طريقة تشيز كيك سهلة وسريعة ولذيذة..
ومقاديرها كالآتي:
مغلفين دريم ويب
علبة قشطة
بكتين بسكوت اولكر أو داجيستف
اصبع زبدة مذاب
6 حبات كيري
حليب سائل
قطرات من الليمون
علبة التوت البري (تباع في السوبر ماركات)
وفيه فراولة,, وتوت ازرق,, اختاري المذاق اللي تحبينه
الخطوة الأول:
نطحن البسكوت حتى يصبح ناعم
ونسيح الزبدة على النار ونضيفها على البسكوت المطحون
ونمزجهم جيداً ونرصهم كطبقة أولى
وانتبهي على كمية الزبدة لازم تكون متناسبة عشان يتماسك البسكوت وما يتفتت عليك اثناء التقديم
الخطوة الثانية:
نضع في خلاط الكيك ظرفي الدريم ويب مع فنجان حليب سائل ونخلطهم
إلى أن تتكاثف ويغلظ قوامها
الخطوة الثالثة:
نضيف علبة القشطة
والكيري
وفنجان حليب سائل
وقطرات من الليمون ونخلطهم بالخلاط
وبعد الخلط نضيف المزيج على طبقة البسكوت
وبكذه صارت عندنا الطبقة الثانية
انتبهي تضيفين الطبقة الثالثة على طول!!
دخليها الثلاجة لحد ما تتماسك
أو الفريزر إذا كنت مستعجله..
وبعدين نضيف طبقة التوت على الطبقة السابقة بحذر عشان ما تختلط الطبقتين ويخرب شكلها
وبعدين نغلفها وندخلها الثلاجة لموعد التقديم
يفضل أنك تسوينها قبل بيوم عشان تتماسك ويطلع شكلها حلو..
بالهناء والعافية
لا تنسونا من صالح دعائكم..
