تشيز كيك سهل ولذيييذ

في البداية هذا أول موضوع ليا في عالم حواء
ويسعدني ويشرفني مشاركتكم هذا الكيان الجميل..

بصراحة أنا أحب التشيز كيك كثييير وجربت أسويه بس المقادير تكون كثيرة وفي نفس الوقت متعب إلين ما قالتلي صديقتي سوسو على طريقة سهلة وطعمة و مقاديرها سهلة بعد أشكرها من كل قلبي❤

طبعاً معروف إنو ثلاث طبقات.
الطبقة اللي تحت:
ثلاثة بسكوت الشاي تطحنيه وتحطي معاه زبدة إلين ما يتماسك وترصية في صينية التشيز كيك.
الطبقة الوسطى:
تجيبي في الخلاط ثلاثة علب زبادي وبنفس مكيال علبة الزبادي تحطي مرتين حليب بودرة وتحطي ثلاث حبات جبن كيري وشوية سكر وذرة فانيليا وتخلطيهم مع بعض وتحطيهم فوق البسكوت وتدخلي الصينية في الفرن إلين ماتتماسك وبعدين تخرجيهم وتحطيهم في الثلاجة.
الطبقة الثالثة اللي فوق:
تجيبي جلي فراولة تحطي معاه ماء وتحركيهم تضيفي معاهم فراولة مقطعة صغيرة و ملعقة مربى فراولة وشوية سكر وتظلي تحركي فيهم الين ماتذبل الفراولة شوية بعدين تخرجي الصينية من الثلاجة ونلاقيها بردت شوية نروح نصب فوقها صوص الفراولة وندخلها الثلاجة مرة ثانية ويا ريت تطول في الثلاجة يعني تسويها قبلها بيوم. وبس😍
492841