بعطيكم طريقه تشيز كيك سريع
وينفع للكل اطفال وحتى الي معهم سكر وللرجيم لانو مو حالي كثير حلاوته وسط
ويفك زنقات وينفع فطور مع كوب كوفي اوضيافه
او اذا مشتهيه حلى انا توني سويته واكلته
لمقادير
بعطيكم مقادير تكفي خمس اكواب كبيرة
2حبه جبن كيري او فيلاديفيا او ابو ولد الي متوفر
ملعقه صغيرة فاتيلا
واحد ظرف دريم ويب
قشطه الخفق او قشطه عاديه او قشطه طازجه أي شيء موجود
جيلاتين بودر تقدرين تستغنين عنه اذا ماعندك
بسكويت داجستيف اوعادي
الطريقه
اول شيء في طريقتين اذا عندك بسكويت داجستف او نخاله واحلى شيء اصلا بالداجستف والنخاله طعمه رهيب
تقدرين تخلطينه مع قشطه لو حابه خفيف
او مع زبدة 3 ملاعق تقريبا لاتكثرين
تقدرون تستخدمون بسكويت عادي
تصفين طبقه البسكويت بالكاسات
بعدها نجهز الخلطه البيضاء
نخلط الدريم ويب والفانيلا بالخلاط تبع الكيك ونزيد عليه ربع كاس ماء +ملعقه حليب بودرة او لو عندك حليب عادي مافي مشكله
وتخلطين لما يثقل شوي تحطين حبتين الجبن لما تحسينهم انخلطوا اضيفوا القشطه اخر شيء قبل توقفين خلط تذوبين ملعقه شاي جيلاتين بملعقه ماء وتضيفينها وموشرط الي ماعندها ملازم
اخر شيء تحطينها بالكاسات
وبس دخليها شوي الفريزر على ماترتبين المطبخ يعني
3 دقائق تقريبا بعدها طلعيه وحطي التوبينق او المربى او الباي قيلنق انا احب بالتوت الاسود او العنب بس بشويش حطيه
وتمتعي ب احلى تشيز كيك صحي
النصيحه
احلى توبينق او باي فيلنق تشيز كيك عن تجربه
هو هذي الماركه
وبعد هاذي فقط لاغير والله الذي لا اله الا هو خذي أي طريقه تشيز كيك وحطي الباي قيلنق هذا سوى فراوله او توت بيطلع واو
وحبيتا نصحكم ماركه فرشلي صراحه الباي فيلنق فاشل مافيه طعم موحلو قد هذي الماركتين
عن تجربه طويله
جربوا وقولو لي وش صار معكم
اخر شيء ابغى منكم دعوة حلوة مايخلص الشهر الا وانا مملكه ادعولي متعطله اموري
ومحلله كل من ينقل الصور
