تشيز كيك يمييييييييييييييييييييييي بالصور

بسم الله ..

قبل ماأتكلم للأمانه بس يابنات ترى طريقة التشيز كيك أخذتها من هنا من منتدى عالم حواء
وبحثت عن الموضوع ولا لقيته عشان أشكر صاحبته ..
فالشكر .. كل الشكر لإبداعك إختي , ماشاء الله عليك تبارك الرحمن ..
وقلت بنزّل لكم الطريقه لأنه ممتاز جداً جداً .. وكلّن إنهبل عليه وعلى طعمه اللذيذ .. يمييييييييي :p


ببدأ على طول بالمقادير :
والمقادير دبل ..
12 حبة جبن كيري
2 ظرف دريم ويب
16 فنجال حليب بودره (نيدو)
8 فناجيل سكر , انا قلّلت السكر خليتهم 5 فناجيل
2 فنجال ماي بااارد
2 علبة زبادي , استعملت زبادي الصافي

مقادير القاعده :
بسكوت دايجستف +زبده + ملعقة قشطه

مقادير الصلصه :
صلصه جاهزه , صلصة التشيز كيك (الستروبري) موجوده بالسوبرماركت ..

الطريقه :
يطحن البسكوت ويخلط مع الزبده اللي تكون بدرجة حرارة الغرفه ومع القشطه
لما نحس انه بيتماسك .. ونعرف هالشي لما نسوي كوره بالخليط واذا مسكت يعني اوكى
وبعدها نرصه بالصينيه الخاصه بالتشيز كيك ..
ونخلط المقادير السابقه كللللللللها بالخلاط ونصبها فوق البسكوت وبعدها نحطها في فرن حار
انا حطيتها من فوق ومن تحت لمدة 5 دقايق بس لما تنتفخ وترتفع من الجوانب , نطلعها على طول ونحطها بالفريز 10 دقايق وبعدها بالثلاجه 3 او 4 ساعات ونحط فوق صلصة الستروبري ونتركها بالثلاجه لحين التقديم .. :wink:

وهذي القطعه الوحييييييييييييده اللي بقت , بسرعه من اللي بتاكلها ههههههههه