(تشيكن جالفريزي) جربي طريقتي ونافسي أرقى المطاعم الهنديه

هلا حبايبي:)
اليوم جايبه لكم طريقتي ل (تشيكن جالفريزي ) والله اني سويتها أكثر من مره والطعم جنااااااااااااان
أحلى من المطاعم الهندية

المقادير :
دجاجه مقطعه أثمان ومنزوعة الجلد
بصلتين متوسطتين مقطعة صغار
فص ثوم مفروم
3 حبات طماطم مفرومه
ملعقتين صلصة
ربع أصبع زبدة
(ملح- بهارات مشكله - ملعقة زنجبيل مطحون ناشف - ملعقة فلفل أحمر - ملعقة كركم )
(عودين قرفه - ثلاث حبات هيل - ثلاث ورقات غار-حبة فلفل أخضر حار )
كاس ماء+ملعقتين دقيق +ملعقتين قشطه )


الطريقة :
تسيح الزبده على النار ثم يضاف الثوم والملح والبهارات والزنجبيل والفلفل الاحمر والكركم وجميع البهارات العدله والفلفل الأخضر الحار قلبيه شوي بعدين أضيفي الدجاج وقلبيه على الزبده حتى يتحمر شوي ويتشبع بالبهارات والثوم
بعدين أضيفي البصل وقلبيه شوي وغطي القدر خمس دقايق حتى تنزل موية الدجاج
بعدين افتحي القدر واضيفي الطماطم المطحونه والصلصة وخليه يتسبك شوي حتى ينضج الدجاج
اخرر مرحله اخلطي الدقيق والقشطه والماء في الخلاط ثم أضيفيه على الدجاج مع التحريك المستمر حتى يبدأ بالغليان اتركيه خمس دقايق على نار هادئه ثم أطفئي النار واسكبيه في طبق التقديم وزينه بال كزبره المفرومه او البقدونس
وبالهناء والشفاء
أتمنى أنكم تجربونه وتقولون لي رايكم .................:26:
واعذروني ماأعرف أنزل صور :(