تشيكين باكورا مقبلات هنديه ساخنه لاتفوتكم

السلام عليكم ورحمة الله وبركاته
طبقنا اليوم مقبلات هنديه لكن شي الطعم والشكل يمممميييي
اسمها تشيكين باكورا اوباكورا الدجاج وهي عباره عن مكعبات من الدجاج المغلفه بالخلطه اللذيذه والمقليه ومعها وصفة البطاطس او الو باكورا.

مراح اطول عليكم:

نضع في الخلاط ربع كوب ماء مع بصله متوسطه و3 فص ثوم وقرن فلفل اخضر بدون بذور اوربع فلفل بارد وربع حزمه كزبره خضراء ونخلط الكل حتى الحصول على خليط ناعم وثقيل شوي .
في صحن عميق نخلط نص كوب دقيق حمص وملعقه صغيره كل من(كزبره ناشفه وكمون وغرم مسالا وبابريكا وملح حسب الرغبه) وذره بسيطه بيكربونات الصوديوم يخلط الكل ثم يضاف له الخليط الي في الخلاط ونقلب جيدا مع اضافة ماء حتى نحصل على خليط ثقيل شوي مثل خليط الكيك واذا حسيتي انها خفيفه ضيفي لها دقيق حمص حتى تثقل شوي.

قطعي صدور دجاج_ وهذا الافضل_مكعبات متوسطه بس موكبيره وغسليهم ونشفيهم زين من الماء ونغمسهم في الخليط وتقلى في زيت غزير وحامي لمدة من عشره لخمس عشر دقيقه حتى تحمر وتنضج وتصفيها من الزيت وتقدم مع البطاطس الهدنيه وهي الو باكورا وطريقتها:
تقطعين بطاطس بعد تقشيرها شرائح سمكها حوالي ربع انش وتغمس في مزيج مكون من نص كاس دقيق حمص وملعقه كبيره دقيق ارز وملح وملعقه صغيره من كزبره ناشفه وكمون وبابريكا او شطه(فلفل حار جاف ومطحون) وماء حسب الي يخلي الخليط مثل خليط الكيك ثقيل يعني انتي ضيفي الماء وقلبي الخليط وشوفي اذا كان الخليط خفيف ضيفي دقيق واذا كان ثقيل مررره ضيفي ماء وهكذا ثم نغمس البطاطس في الخليط ونقليهم وتصفى من الزيت وتقدم مع التشيكين باكورا او باكورا الدجاج والمايونيز والكاتشاب والمسترده .
على فكره تقلين البطاطس من ثمانيه لعشر دقايق وانا طولتها بس والله حبيت اشرح لكم كل شي بالتفصيل الممل وطريقتها سهله جدا بس الشرح طووووويل
واذا زاد عندك من خليط الدجاج او البطاطس حطيه في علبه بلاستيك واحفظيه في الفريزر واستخدميه عند الحاجه ينفع وقت الازمات والطوارئ بس خرجيه من الفريزر من بدري وغمسي فيه الدجاج واقلي بسرعه وممكن تجربيه مع لحم ديك الحبش(التركي) تقطعيه مثل الدجاج وتقليه وللامانه هذي الطريقه ماخذتها من كتاب هندي اسمه الكامل لجميع الاكلات الهنديه وهو باللغه الانجليزيه واي سؤال انا حاضره وانتظروني في اكلات جديده من كتابي الهندي.

على فكره ردودكم ابدا ماتشجع هذي ثالث مشاركه لي ومايرد علي الا القليل منكم :(