هالنفوف ناعم الخامه الزيتيه ستان فاي والبني شيفون حرير وتطريز ماركة فندي مع شوارفسكي وايصير اتغيرين نوع الخام شرط الخامه الخفيفه اتكون شيفون ا حرير او حرير شيفون.
هالنفنوف يعتمد موديله بالصدر تاخذين ستيان اسفنج والخياط يشتغل عليه يالخام والشبك الخام الاصفر ستان م النوع الثقيل وبين الصدر خام شبك وسيع او تستعينون بخيوط قيطان ذهبي او فضي والخامه لون الاخضر على الصدر اهيا الاساسيه ولازم الخياط يخيطها دروب دروب ولون الخيط عكس لون الخامه نفسها الخامه البنفسجيه كريب شيفون والتراكيب لا تاخذينها جاهزه الخياط ايسويها لج واذا خلص يركب عليها شوارفسكي بنفسجي ومن ورا ربط حق اللي اتسوي تسريحه مرتفعه يطلع شي عليها.
هالموديل وايد ناعم خامته تور الاصلي والخامه الثانيه تراكيب مجموعة خامات الخياط يقصها بهالطريقه والنجوم مشكوكه بكرستال فضي او شوارفسكي عشان اهيا اللي مسويه حركه بالنفوف ومن تحت تور نافش ويفضل جيبون تحته
هالموديل وايد راقي الخامه تفته اسود وهاللون اسود باهت والاحمر بعد تفته
ومعاهم ابيض والدوائر اللي لونها احمر الخياط يسويها من نفس الخام بس احمر يكورها ويركب الكرستال عليها وطلع شي ووايد عاجبني وصوب الصدر خيوط شفافه فيهم الكور هذي ايصير اتحطين صوب الظهر شيفون طالع من الزوايه واتخلينه مثل ذيل اذا تحبين الذيل او اذا حق عاروس ثاني يوم.
هذا نفس النفنوف بس صورته بالسلبي اللي تبي تشوفه عدل:)
