تصدقوا ممنوع انا وزوجي نطلع لوحدنا بسبب اخته

انا مشكلتي اهل زوجي تعبت معاهم مررره ..مافيه شي يرضيهم

هما بمنطقه وانا بمنطقه .. صار عند زوجي دوره سته شهور في منطقتهم >>>وهنا القصه

بيتهم صغييير وعنده سبعه اخوان كلهم كبار وبالغين واثنين بالمتوسط وانا بالبيت عبايتي وغطوتي علي ...كأني باطلع انكتم واحترر ...قلت بأتحمل بس المشكله انهم خلونا ننام في غرفة الشباب

وطلعوا الشباب ينامون بالمجلس .. انا مرره انحرجت اغراضهم وخصوصياتهم وكل شي قدامي
غير هذا كل شوي وواحد يدق الباب يبي غرض ..خاصه وقت دوامهم لازم اصلي الفجر واطلع من الغرفه الى الساعه ثمانيه وارجع انام ..والمصيييييبه مافيه مفتاح للغرفه ..مره فتح اخوه الباب وانا نايمه مو لابسه الا قميص نوم يقول نسيت عنكم واعتذر ..حتى الحمام مشترك انحرج يشوفوني اتروش فأظربت عن الامور الخاصه بيننا

وش رايكم كيف اتعامل معاهم ؟! انا مااحب المشاكل وهم شافوا انه ضعف فيني؟؟!!

قلت لزوجي خلنا نطلع لشقه قريبه بس ننام فيها واول مانصحى الى وقت النوم عندهم ..رضى
زوجي . لكننننننن قامت حرب بالبيت وقامت امه تبكي وتسبني وتهاوش وتجرح فيني وفيه
وابوه زعلان ومايكلمنا ..فرحت لأمه وراضيتها وقلت خلاص مابنطلع علشان خاطرك ومو عاجبها
المهم >>> ممنووووع نطلع لحالنا لازم احد يروح معانا الى درجة ان امه اذا ماتبي تروح ..تصحي وحده من بناتها غصب تروح ..

مره طلع زوجي للمكتبه فقلت باطلع معاك ورحت لاخواته وامه قلت تروحون معانا قالوا لا ..فمشينا وتهاوشنا بالسياره علشان قصه ثانيه فبكيت فحب يراضيني رحنا شوي للحديقه نتفاهم
ورجعنا ..فقامت تحقق ويوم انهم عرفوا قامت امه واخواته بمشكله كبيره وقلة ادب على اخوهم
زوجي من النوع العصبي اللي اذا زودوها ضربهم ضرب مبرح ..
فأنا مسكته وقمت ابكي عنده انه مايسوي مشكله انا طرف فيها .. فقامت اخته تخصني بكلام يجرح فتهاوشت معاها وقبت بيني انا وهي .. وهديت زوجي مايمد يده لانها فتره وتعدي وارجع لبيتي ماودي بالمشاكل ..
ودااايماً مشاكل ويتدخلون بأمور حياتي ويغارووون غيره شديده مع انهم جميلااات وكل اللي يتمنونه يلاقونه ..صار زوجي يتضايق مني بسببهم وبسبب كلامهم فيني عنده
واهلي مااقدر اقول لهم لأن امي نفسيتها تعبانه بعد موت اخوي وتبغى ترتاح علينا