نزف الجرووووح @nzf_algrooooh

عضوة فعالة

تصدقون انا مراقبه وانا في بيت اهلي و بث مباشر لتحركاتي

السلام عليكم ورحمة الله وبركاته

العقاب المؤلم بدون ضرب ولاتجريح او تقليل لشخص كيف ؟وشلون طريقته ؟

اللي راح اتكلم عنها هي زوجة اخوي
وش اقول مدري وش اقول تحديدآ حب مانحس فيه ..لكن البنت صامته معنا الا من تعليقات بسيطه او سالفه عاديه ذكرها وعدمه واحد
<طبعآ مشاعرها احسها بااااارده معنا وتسوي نفسها غبيه بعض الاحيان رغم انها ذكيـــــــــه بقوه..المهم ما ابي اشرح شخصيتها

لكن الاهم من ذا كله البث المباشر لادق تفاصيل حياتنا ؟

اخبار البيت اول باول توصل لاهلها < حاسه بقهررر من هالناحيه
يعني لازم اكون حذره وانا في بيتي لاني راح اكون تحت البث المباشر!!

انا متعوده اكون على طبيعتي وامزح وانكت مع الكل ..واغلب الاوقات على قولتهم افصل في التنكيت خاصه مع امي ... لكن الحين مضطره
احاااااااااسب على الفاظي وتحركاتي <بتقولون ليش راح اقولكم

في يوم دخلنا المطبخ وسوينا فطاير وحلويات لقهوتنا حنا اهل البيت
وفرشنا بالحوش <قعدنا نسولف
شوي جاء اخوي وقعد معنا وجاء ولد عمي الصغير عمره 6او سبع سنين
ونضحك عليه مديت له الفطاير قلت له خذ هذا قال اخوي ذق من طبخ ال... ننسبهالقبيلتها <مثل مانقول عتيبيه او قحطانيه او غيره من القبايل الاخرى (طبعآ اقصد مرت اخوي الثانيه ) اكل <يقالكم يمازح ولد عمي وخاصه ان الولد مهوب متقبلها من الاساس مدري وش السبب
المهم بعد كم يوم كلمت عمتي علينا وقالت لي ان ام البنت زعلانه !!
سئلت شالسبب ؟؟
قالت ان حنا قايلين اكل من طبخ ال... <نسب قبيلتها طبعآ هي قبيلتها غير عن قبيلتنا لكن هي تصير لنا بينا صلة قرابه
قلت ايه صح طيب وين اللي يزعل ؟؟
قالت تقول ان انتم تفرقونها عنكم <<ياناس اكفخها
الحين هذا تفريق وهن يدرن انه مزح !!
وكل وحده تفتخر باهلها ولمانقول لها ال..ماسبينها ولاقللنا من قدرها !!
قسم بالله من ذاك اليوم وانا افكر بطريقه اخليها تتوب ماتوصل اخبارنا
وامها هذي يبلها جلد على نواياها الشينه ..<طبعآ هذي يبي لها مجلد كامل
حتى تعرفون ليه اقول نواياها شينه وغيره
طبعآ انا لمحت لها بطريقه غير مباشره و
قلت ان فلانه جتنا وانها تقول انا اي سالفه تصير عندي من زوجي او اهله ما احكيها لاهلي لان انا وزوجي بنتصافى واهله لكن اهلي بيضلون شايلن بقلوبهم عليه وانا ماابي هذا يصير والعكس ما اوصل اي معلومه عن اهلي لاهل زوجي او زوجي حتى مايشيلون او يحقدون او ينزلون اهلي من عيون اهل زوجي ...
تحرك راسها وتقول صح صادقه

وترووووووووووح توصل البث للاحداث
اليوميه !!

الحين وش رايكم بخطه اطبقها بحيث اني ما اضايقها ولا اجرحها في نفس الوقت اعاقبها بطريقه غير مباشره
فكرت بالسكوووت لكن مش معقوله تجيني تقريبا الفجر كللله معي واسفها والله ان تدبر لي امها سالفه <وانا مالي خلق

ارائكم مع وكالة الاسره وبث الحدث مباشره

يلزم عليك تسجيل الدخول أولًا لكتابة تعليق.

تسجيل دخول

وحيده 111 • 13 سنة

استغفر الله عيناتها كثير الله يعين بس لاتسكتين عشان توقف عند حدها وماتتمادى

ريم بنت التميمي • 13 سنة

الله يعينكم اع شي مرا يقرررررررررررررررررف .. بس احسن شي تسكتين تطفشينهااا واذا راحت سولفي وفليها

أم جودي فاشن~ • 13 سنة

نوعيتها كثيير الله يهديها

كيكة بقشطة • 13 سنة

الله يعينك ويفرج همك

كرزة2011 • 13 سنة

حطيها بالسااااااااااااااااااااااااااابع ..وسوي الي تبينه..اذا زعلت تطق راسها باقرب جدار...
هذا الي ناقص بعد المفروض تحترمكم وتقدركم..وتحترم خصوصيات اهل زوجها..
الله لايبلاانا ماادري وشلون اخوك عايش معها....
مااطيق النوعيات الي كذا...
طنشيها وانا اختك...وسوي الي برااااسك..مادامك ماغلطتي عليها اتركيها..
وثانيا انتي لااتحتكين معها وخليك اكثر من رسمية...