حل مشكلتج باذن الله بترتيب مواعيدو نوم عيالج استغرب لما تقولين اذا رقدوا ثمان بيقومون في الليل الصغير اوكيه لانه يبي يرضع بس اللي عمره ٥ سنوات وشحقه يقوم ؟؟؟ لانه يرقد وايد في النهار نصيحه اول شي حطيهم في غرفه بروحهم وحطي جهاز المتابعه علشان اذا يبون شي والعود خليج معاه لين يرقد وخليهم يقومون الصبح ولعبيهم وانتي خلصي شغل البيت الظهر تغدوا كلكم مع بعض ونصيحه دخلي ولدج العود في روضه وبينتظم نومه وبيخف عليج الشغل في النهار والباقي البنات ماقصروا

الاخت حرة على كف صقار والله انها حرة حرة حرة كفت ووفت حتى انا استفدت منها الله يرزقها الجنه طبقي وتجي تبشرينا ان شاء الله

الله يوفقك ويسخرلك زوجك يااارب

انا مابزيد على كلام الاخوات ولا بعيد بس فيه شي الي عمره 5 سنوات اظن لو نام على 8 ما يصحى الا على بعد 6 صباحا
ويكون صاحي من 6 لين 8 لا تخليه ينام في العصر ولا حتي قيلوله وبتشوفي بطول في النوم خلاص هو مو نونو عشان يصحى كل شوي

حتى خرجاتك أشوف انها كثيرة أهلك وأهله ومشاوير تراها تأثر خلي في أسبوع خاص بالبيت جلسة عائلية تتقربي من زوجك وعيالك يلعبوا مع أبوهم ويصير في حميمية في البيت خصوصا اخر الأسبوع اكشخي واجلسي جنبه وداعبيه حتى أمام أطفالك لازم يحسوا ان بينكم علاقة حب لأن بدوره بيأثر فيهم ايجابيا
بالنسبة لنوم أطفالك بما انهم يخافون لوحدهم جيبيلهم سرير ويناموا عندك بالغرفة مع أبوهم عادي كل الناس كدا الين يكبروا يستقلوا بغرفة لوحدهم بس غريبه حالتك تخرجي من غرفتك عشان أطفال !!

ترتيبك لحياتك فااااااااااااااااااااااااااااااااااااااااااشل العيب فيكي مو بزوجك
شرايج تقعدين عيالك مع ابوهم للدوام و لاتنومينهم الظهر و الساعه 7 نوووووووم اجباري لهم
و قعدي باقي الوقت معاه و نامي معاه و بالشكل هذا حياتك راح تنتظم
انتي عودتي زوجك على بعدك
و بعدين عيالك مافي داع ينامون معاكي بالغرفه الغرفه هذه لها خصوصيه و ماينفع شخص ثالث فيها معاكم
سنتين مو شوي
نظمي نومك و نوم عيالك
و بعدين عادي اشتغلي و عيالك صاحيين وين المشكله حطي لهم تركيب و خليهم يلعبون و روحي لشغل البيت
لا تحطين حجتك العيال و تطلعين العيب بزوجك هو مو بايده شي كل شي بايدك و جزاه الله خير ما قصر معاكم