بعد ماقريت نظامكم في تنظيف بيوتكم شجعتوني اشارك معكم اتمنى تستفيدون من نظامي مثل مااستفدت منكم
انا تنظيفي اسبوعي فقط ماعندي شهري اقولك كيف
السبت تنظيف غرفه وحده تنظيف شامل الجدران والشبابيك والمكيفات المراوح والشفاطات عندي 4 غرف +المطبخ +حمامين+الصاله
يعني اكون نظفت الغرفه كل شهرين مره وبكذا ما احتاج للتنظيف الشهري
الاحد غسيل الملابس +مسح اثاث غرفه النوم وتغير المفرش عشان اغسله مره وحده
الاثنين ترتيب الملابس +الكوي
الثلاثا مسح باقي الاثاث +السيراميك
الاربعا تنظيف الفرن والثلاجه وبلاط المطبخ
والخميس والجمعه اجازه:pطبعا ليش الحياه كلها شغل لنفسي علي حق
وفيه شغل يومي مثل الطبخ وغسل المواعين وكنس الصاله لانها مكان جلستنا وغرفه الجلوس والمجلس دايم مبخره ومقفله حتى اللي يجيني مايصدق كيف البيت نظيف وانا عندي اطفال مايدرون ان عيالي مايشوفون هالغرف الا اذا عندي ضيوف:hahaha:
والعاب عيالي عشان افتك من حوستها حاطه لهم بس كم لعبه تقريبا 6 العاب في صندوق صغير وشايله الباقي وكل فتره اغير الالعاب عشان مايملون وبعد مايخلصون يجمعونها ولازم تعودين عيالك يساعدونك في بعض الاشياء البسيطه مثل انهم يجمعون العابهم بعدهم ويشيلون المناديل الوسخه حقتهم والقراطيس يحطونها بالزباله ويرجعون احذيتهم في مكانها عشان يتعودون على الترتيب
على فكره بعض الافكار استفدتها من بنات في المنتدى الله يجزاهم خير ومن لايشكر الناس لايشكر الله
وما ننسى قبل النوم نقول الله اكبر33
سبحان الله33
الحمد لله33
قال صلى الله عليه وسلم
ألا أدلكما على ما هو خير لكما من خادم إذا أويتما إلى فراشكما أو أخذتما مضاجعكما فكبرا ثلاثا وثلاثين وسبحا ثلاثا وثلاثين واحمدا ثلاثا وثلاثين فهذا خير لكما من خادم
لاتنسوني من صالح دعائكم
وجودي مكسب @ogody_mksb
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
الله يوفقك