تصدقون ماصرت أنتظر ولا حتى أشك..أنتم مثلي؟؟

السلام عليكم ورحمة الله وبركاته..
طبعا أنا من اللي تأخر حملهن لي ثلاث سنين .. وماتتخيلون خلال هذي المده

كيف كانت حالتي كل شهر.. أنتظار وأنتظار وشكوك وبالأخير تحليل ولا يصير فيه

حمل ومع هذا يستمر الشك وأقول يمكن مابين بالتحليل... إلى أن......

تشرف الحلوه اللي لابسه فستان أحمر:30: .... وبعدها تبدأ المعاناه وأنواع الهم

وضيقة الصدر:( ... وبعد نهايتها أتأمل من جديد ثم أنصدم مثل الصدمه الأولى...

والحين لي كم شهر ماأنتظر حمل ولا أشك إذا تأخرت الدوره حتى لو تتأخر أسبوعين

أبرر تأخيرها بلخبطة هرمونات .. وفعلا تجيني الحلوه اللي قلتلكم عليها وأصير

مستعده نفسيا ولا أتضايق ولا شي لأني حاطه ببالي أنه مافيه حمل..

وتبون الصراحه الحمد لله كذا أرتحت كثير من الأنتظار والتفكير وضيقة الصدر..

يعني دائما أحط في بالي أني ماني حامل.. وهذا طبعا مويأس من رحمة الله ..

لا طبعا .. لكن أنا مؤمنه أنه إذا الله أراد أحمل بحمل بدون تفكير وهم وصرف

فلوس على هالمستوصفات من كثر التحليل..

وأنا ألاحظ كثير من أخواتي في المنتدى إذا تأخرت عليها الدوره خمس أيام

تكتب أنها تأخرت علي وتتوقع أنها حامل وتنتظر وبالأخير تحلل ومع هذا تقول

يمكن حمل بس مابين.. مع أن الحمل غالبا يبين في الدم لو الدوره متأخره

يومين... وطبعا أنا ماني جايه أنقد أوأستهزأ بأخواتي في المنتدى.. لا والله.

بالعكس أنا كتبت لكم تجربتي مع أنتظار الحمل وطبعا مر علي كل اللي مر عليكم..

بس أنا حبيت أقولكم أنكم لو نسيتوا الموضوع ولا أنتظرتوا الحمل كل شهر

كان أريح لكم ولنفسياتكم.. وحتى لو تأخرت عليكم الدوره عادي لخبطة هرمونات..

إلا إذا كان التأخير لمده طويله جدا فهذا غير..

والله ياأخواتي والله يشهد علي أني ماكتبت هالكلمات إلا لأني أتضايق لما أشوف

وحده كاتبه عن تأخر الدوره عليها وأنها متأمله بالحمل .. وبعدها بكم يوم تقول

نزلت الدوره... طبعا أنا عارفه النفسيه يومها كيف تكون.. لكن لو أنك من البدايه

ماحطيتي في بالك أنه حمل كان أحسن لك.. ولو كان فيه حمل يبين أن شاء الله..

سامحوني أخواتي أن كنت زعلتكم بكلامي هذا.. والله أعلم بالنيه:26: ..