الموضوع ما اشوف انه عادي

تقول لكم انها ما تقصر معه

اجلسي معه جلسة مصارحه ناقشيه بتفهم

يمكن مشاكله جنسيه

وبعدين ليه انتي تنامين بمكان وهو بمكان ؟

غلط

خليك زي ما انتي حتى لو مافيه شي

والنفور بين الازواج مو بكل شي عاد

هو مقصر بحقك في جانب مهم في الحياه الزوجيه


اسأليه وش نوعية هالمشاكل واذا لك يد فيها واذا تقدرين تساعديه ؟

والى متى بتستمر

بيني له انك محتاجه له كزوج وانك متفهمه له وبلي قاعد يمر فيه

الرجال في هالموضوع ما يحبون يبنون وش فيهم مشكله يعتبرونه طعنه في رجولتهم

هذا اذا كان فيه شي

غيري روتين حياتكم


ادعي ربك ترا مب نافعك الا هو

ارقي نفسك وزوجك خلي صورة البقره شغاله في البيت

اذا هو تغير انتي لا تتغيرين

خليك متجدده دايم وطموحه ومتفائله انك بكره ازين من اليوم

وان اكيد الموضوع ماراح يستمر كذا

فتره وتعدي

الله يسخره لك وويخليكم لبعض

الله يسلم كل الأخوات إلا كتبولي في المنتدى وإلا أرسلولي رسائل خاصة ، اللهم إني أسألك بإسمك العظيم وبيومك الفضيل " اليوم الجمعة " أن تحرم كل أخت في هذا المنتدى المبارك عن النار وتجعلها من أهل الجنان يا حنان يا منان إنك على كل شئ قدير ،،،، آآآآآآآآآآآمين ..

thanks

newstudent
طمنينا اختي عنك الله يفرجها عليك ويرجع الحب والسكينه لبيتكم
آمين

ام يارا
بعض الرجال مدري وش يجيهم بعد ماتولد زوجاتهم 00مدري وش يتوقعون او يمكن يقرفون!!!
سته شهوووور كثيييييييير ياويلي انا شهرين مدري ثلاث وبغيت انجن(فقدت الثقه بنفسي وحسيت بنفور)
ناقشيه وواجهيه بصراحه حرااام عليه كذا والله مايجووووووووووز
الحرمه إذا امتنعت عن زوجها تلعنها الملائكه000 وهم يطنشون بالشهووووور
الله يعظم أجرنا

----اول شي لازم تقنعين نفسك ان المشكله مو مشكلتك بس!! المشكله شائعة ومنتشرة في مجتمعنا بكثرة.
----ثاني شي. لازم تقدرين وضع زوجك وتهتمين بمشاكله ولايكون تفكيرك منصب على نفسك بالدرجة الاولى. بمعنى. تنسين موضوع البرود تماماً وتعملين على انك ماتحسسينه بالتقصير. لأن الرجال اذا وقع تحت ضغط وحس انه مطالب يقل اداءه (الجنسي) وهذا شي معروف ومثبت طبياً.
----فراشك فراشه , فراش النوم مو بس فراش للجنس.. بل له معاني ورموز اخرى للنفس والعقل والقلب ... وهو نايم قربي منه وتحسسي وجهه واحضنيه وحسسيه بحنانك وحبك . لو صحا غمضي عيونه وكملي طبطبه عليه.... واهمسيله بكلمه "احبك" باذنه وهو نايم ... بوسيه!
----اعملي على استعادة حياتكم الطبيعية وبكذا تستعيدون حياتكم الجنسيه.
---- تجنبي الحديث عن المشكله وووجهي تفكيرك وتركيزك وجهدك على اسعاد زوجك بهالفتره وتنسينه مشاكله وهمومه بطريقه تشعره باهتمامك لانك تحبينه مو لانك تبين منه شي وبكذا يحس بالامان والسعادة والراحه النفسيه لانه يأخذ بدون مايكون مطالب بمقابل.
----فهميه انه راحته مهمه بالنسبه لك وان وجودك بجانبه يحسسك بالامان وانه انتي محتاجه له مو هو اللي محتاج لك.
----لاتقارنين وضعكم الحالي بوضع سابق الرجل يكره المقارنات.
----اذا تكلمتي عن حلول تكلمي بصيغة الجمع مثلاً: أتمنى نكون سعيدين, أتمنى ان اليوم نسوي كذا.
----اعزميه في نهاية الاسبوع على عشاء او غداء وفهميه انك بعدها بتنزلين عند اهلك عشان مايحس انك قاعده تسوين شي بمقابل. اذا طلب منك تبقين معاه ابقي. اذا ماعلق روحي لاهلك وارجعي للبيت.
----حسسيه باهتمامك من خلال تفاصيل بسيطه, تسوين اكلات يحبها.. تسمعينه كلام كان يحبه منك, تجيبين له شي يساعده بهوايته لو كان عنده هوايه.
--- بعد فتره حاولي تدردشين معاه عن عمله, عن اصحابه,عن اهله خذي وعطي معاه بالكلام وبتلاقينه جاب لك المشكله اذا كانت تتعلق بواحد منهم واسيه وخففي عنه ولاتزودين عليه همه وتحسسينه ان الموضوع كبير مهما كبر.. حسسيه بأنه مهم عندك ووان اللي يزعلك يزعله .. مو يزعلك عليه!

عندي نصائح اكبر وهي امور بسيطه تتعاملين فيها مع اللاوعي عند زوجك وترسلين له رسائل ايجابيه تعيد تعزيز ثقته بنفسه .. وتعيد حياتكم لمجراها الطبيعي.. بس انتي اعقدي العم على بذل شوية جهد في سبيل استعادة حياتك .. وبتلاقين نفسك اسعد زوجه لاسعد زوج... التفاصيل مع صغرها ولامبالاتنا بها هي اللي تقتل الحياة وتحول الشخص لجثه متحركه

موفقه حبيبتي