تصدقي وانتي بمكانك بدون ماتتحركين ولاخطوة...فكرة حلوة وعملية للصدقه .. تعالوا جربوها

السلام عليكم ورحمة الله وبركاته

كيفكم ياخواتي؟ اشتقت لكم ولهالقسم الحلو.. يشرح الصدر بمواضيعه وعضواته الطيبات.. ربي لايفرقنا ابد قولوا امين

باختصار..

هو شي معروف للاغلب اعلنوا عنه في الجرايد والمجلات والتلفزيون.. بس قلت خليني اكتبه للتذكير وعشان اللي ماتعرفه تاخذ فكرة عنه ..هذي الخدمة في السعوديه يابنات باقي الدول ما اعرف عنها صراحه


ياما صرفنا مئات والوف على لبسنا.. فستان سهره ب1000 ريال.. روج ب100 ولا 200 ولا حتى 50 ريال ..مطاعم ع الاقل 15 ريال الوجبه .. حلويات عطور هدايا و و و و الخ
والاكثر من هذا مانتحسف ع اللي نصرفه في الغالب.. بالعكس نصرف واحنا نحس ان هالوضع طبيعي .. لازم كل اسبوع مطعم او لازم كل مناسبه نروح لها داخلين بطبق ولا ورد ولا هدية .. هذي واجبات ومانبي نقصر فيها

صح هالكلام يابنات.. بس ليه مانخلي لنا شي ثابت زي هالمناسبات ويصير من المسلمات والبديهيات نسويه؟
قولوا كيف ؟ اقولكم انا كيف ..

ليه مانخلي لنا صدقه ثابته كل شهر .. تنوخذ من جوالاتنا اللي اغلب رصيدها وفواتيرنا على سوالف وقرقه ..
تدرون كيف الطريقه ؟

هي يابنات خدمه في الجوال.. ترسلين رقم(1) الى (5060) وتشتركين معهم .. بياخذون منك كل شهر 12 ريال فقط لاغير لصالح مرضى غسيل الكلى .. يعني بمجرد ماترسلين رساله فيها (1) الى هالرقم 5060 بيصيرون كل شهر ياخذون 12 ريال بدون ماتقولين ولاترسلين لهم من جديد..

وفيه طريقة ثانيه.. ترسلين رساله فاضيه الى نفس الرقم 5060 وياخذون منك فقط 10 ريال لمرة واحده فقط.. يعني لما ترسلين رساله فاضيه ياخذون منك 10 ريال مرة وحده بس .. ماياخذون كل شهر
واذا تبينهم كل شهر ياخذون ارسلي رقم 1 فالرساله ولاتخلينها فاضيه.. اتمنى وصلت لكم الفكره بشكل واضح ..

يعني ممكن وانتي جالسه بمكانك ترسلين مسج فاضي الى 5060 .. وبكذا تصدقتي ب10 ريال وانتي بمكانك ماتحركتي ولارحتي مكتب تبرعات ولا شي.. وتقدرين تتبرعين مية مرة باليوم مافي عدد محدد .. متخيلين الحلاوة فالموضوع؟

مثلا انا اليوم ضاااق صدري مررره وحسيت بخنقه.. مسؤوليات وخنقه وزحمه ومناسبات وشايله هم و حاااالتي حاله.. طالعت بجوالي .. وعلى طول اخذته وارسلت مسج فاضي الى 5060.. ودعيت ربي ييسرها علي ويفرجها ويسهل اموري وقلت كل اللي بخاطري.. ورجعت كملت شغلي وحمد لله ربي سهل اموري ويسرها لي..

داخله على اختبار مثلا؟ ارسلي هالمسج قبل لاتدخلين وانوي الصدقه وادعي باللللللي تبينه .. وتوكلي ع الله وربك مايخيب التعب..

جايك ضيوف ومحتاسه وتعبانه وموعارفه من وين تبدين ووش تسوين؟ ارسلي هالمسج وانوي الصدقه وادعي ربي يبارك لك بوقتك ويشرح صدرك ويعينك.. ربك كرييييييييم مايرد عباده ..

حطي هالفكرة بتوقيعك .. يمكن تشوفه وحده تعبانه ولا مظلومة ولامحرومة من الذريه وتطبق هالخدمه.. ولك اجرها ان شاء الله

وغيره وغيره افكار كثيييييره تنفع في هالحالات ..

كل مافبالك دعوة.. تصدقي
كل ماتعسرت امورك.. تصدقي
كل ما ضاقت بك الدنيا.. تصدقي

وباذن الله ربك مايخيب سعيك ويستجيب دعواتك.. على الاقل تكونين اخذتي اجر صدقه وتفريج كربة على مسلم.. لان كل المبالغ الي تتجمع تروح لمرضى الفشل الكلوي اللي موقادرين على تكاليف عمليات غسيل الكلى .. يعني شوفي الاجر كيف باذن الله ..

على فكرة يابنات.. اللي حابه تتأكد من مصداقيه الرقم وان هالخدمه حقيقيه وموجوده .. مالها الا تسوي بحث في قوقل وتتأكد بنفسها .. هذا من حقها عادي ..

اتمنى تعجبكم الفكره.. ادعولي بالزوج الصالح والذريه الصالحه عاجلا غير اجل يابنات
وان ربي ينجحني ويوفقني باختباراتي ..






في أمان الله ~

:26: